మెగా మాస్‌ జాతర మొదల వ్వడంతో ఇద్దరు స్టార్ల అభిమానులు సంబరాల్లో మునిగిపోయారు. చిరంజీవి, సల్మాన్‌ ఖాన్‌ కలిసి మెగా మాస్‌ జాతర సష్టించిన గాడ్‌ ఫాదర్‌లోని 'థార్‌ మార్‌' సాంగ్‌ ప్రోమో మెగా డ్యాన్స్‌ నంబర్‌పై భారీ అంచనాలను నెలకొల్పింది. ఇద్దరు మెగాస్టార్‌లు తమదైన స్టైల్‌తో డ్యాన్స్‌ ఫ్లోర్‌ను షేక్‌ చేయడం అభిమానులకు కన్నుల పండగలా మారింది. అభిమానులు ఎంతగానో ఎదురుచూస్తున్న 'థార్‌ మార్‌' పూర్తి పాట తెలుగు, హిందీ భాషల్లో తాజాగా విడుదలైంది. ఈ పాట చిరంజీవి, సల్మాన్‌ ఖాన్‌ స్టార్‌డమ్‌ను గ్లోరిఫై చేయడంతో పాటు చూడటానికి విజువల్‌ ట్రీట్‌గా ఉండటం విశేషం. ఈ మెగా మాస్‌ ఫీస్ట్‌లో చిరంజీవి, సల్మాన్‌ ఖాన్‌ మాస్‌ హుక్‌ స్టెప్‌ వేయడం ఫ్యాన్స్‌కు పూనకాలు తెప్పిస్తోంది. ఈ పాటకు తమన్‌ స్కోర్‌ చేసిన ఫంకీ బీట్‌ మళ్ళీ మళ్ళీ వినాలనిపించే మెగా డ్యాన్స్‌ నెంబర్‌గా ఆకట్టుకుంటోంది. ప్రభుదేవా కొరియోగ్రఫీ చేసిన ఈ వీడియో సాంగ్‌లో చిరంజీవి స్టైలిష్‌ ఎంట్రీ ఇవ్వగా, సల్మాన్‌ తన గోళ్లు కొరుకుతూ తనదైన మాస్‌ ఎంట్రీ ఇచ్చారు.
శ్రేయా ఘోషల్‌ తన వాయిస్‌తో మెస్మరైజ్‌ చేసి ఈ ఫుట్‌-ట్యాపింగ్‌ నంబర్‌కు అదనపు ఆకర్షణ జోడించారు. అనంత శ్రీరామ్‌ సాహిత్యం ఆకట్టుకుంది. ఈ వీడియోలో చిరంజీవి, సల్మాన్‌ ఖాన్‌, ప్రభుదేవా, చిత్ర బందం సరదాగా షూటింగ్‌ చేస్తున్న విజువల్స్‌ కూడా ఉన్నాయి. 'గాడ్‌ ఫాదర్‌' ఆల్‌ టైమ్‌ బిగ్గెస్ట్‌ యాక్షన్‌ ఎంటర్‌టైనర్‌. ప్రేక్షకులు ఎంతగానో ఎదురుచూస్తున్న మోస్ట్‌ అవైటెడ్‌ మూవీకి మోహన్‌ రాజా దర్శకత్వం వహిస్తున్నారు.
నయనతార, సత్యదేవ్‌, సునీల్‌, సముద్రఖని ముఖ్య తారాగణం. కొణిదెల సురేఖ సమర్పణలో కొణిదెల ప్రొడక్షన్స్‌, సూపర్‌ గుడ్‌ ఫిలింస్‌ బ్యానర్‌లపై ఆర్‌బి చౌదరి, ఎన్‌వి ప్రసాద్‌ ఈ చిత్రాన్ని గ్రాండ్‌గా నిర్మిస్తున్నారు. అక్టోబర్‌ 5న దసరా కానుకగా తెలుగు, హిందీ భాషల్లో గ్రాండ్‌గా ఈ చిత్రాన్ని విడుదల చేయబోతున్నారు. ఈ చిత్రానికి స్క్రీన్‌ ప్లే, దర్శకత్వం: మోహన్‌ రాజా, నిర్మాతలు: ఆర్‌.బి చౌదరి, ఎన్వీ ప్రసాద్‌, సమర్పణ: కొణిదెల సురేఖ, సంగీతం: ఎస్‌ ఎస్‌ తమన్‌, డీవోపీ: నీరవ్‌ షా, ఆర్ట్‌ డైరెక్టర్‌: సురేష్‌ సెల్వరాజన్‌, ఎక్సిక్యూటివ్‌ ప్రొడ్యూసర్‌: వాకాడ అప్పారావు.
