చిరంజీవి నటిస్తున్న నయా భారీ యాక్షన్‌ ఎంటర్‌ టైనర్‌ 'గాడ్‌ ఫాదర్‌'. ఈ సినిమా కోసం ప్రేక్షకులు, ఆయన అభిమానులు ఎంతగానో ఎదురు చూస్తున్నారు. ఇందుతో చిరంజీవితో కలిసి బాలీవుడ్‌ స్టార్‌ హీరో సల్మాన్‌ ఖాన్‌ నటిస్తున్నారు. తాజాగా ఈ చిత్రం సెన్సార్‌ పూర్తి చేసుకుని, 'యు/ఎ' సర్టిఫికేట్‌ పొందింది.
'సినిమా అద్భుతంగా ఉందని సెన్సార్‌ బోర్డ్‌ సభ్యులు చిత్ర యూనిట్‌ పై ప్రశంసల జల్లు కురిపించారు. ఈ సినిమా పై అందరిలో భారీ అంచనాలు ఉన్నాయి. ఇప్పటికే విడుదలైన టీజర్‌, ఫస్ట్‌ సింగిల్‌ 'థార్‌ మార్‌..' పాటకు ట్రెమండస్‌ రెస్పాన్స్‌ వస్తోంది. 'థార్‌ మార్‌..' సాంగ్‌ యూట్యూబ్‌ని షేక్‌ చేయడంతో పాటు ప్రస్తుతం సోషల్‌ మీడియాలో వైరల్‌గా మారింది. ఈ మూవీకి మోహన్‌ రాజా దర్శకత్వం వహిస్తున్నారు. నయనతార, సత్యదేవ్‌, సునీల్‌, సముద్రఖని ముఖ్య తారాగణం. అక్టోబర్‌ 5న దసరా కానుకగా తెలుగు, హిందీలో గ్రాండ్‌గా ఈ సినిమా విడుదల కానుంది' అని చిత్ర బృందం తెలిపింది.
ఈ చిత్రానికి స్క్రీన్‌ ప్లే, దర్శకత్వం: మోహన్‌ రాజా, నిర్మాతలు: ఆర్‌.బి చౌదరి, ఎన్వీ ప్రసాద్‌, సంగీతం: ఎస్‌.ఎస్‌.తమన్‌,
డీవోపీ: నీరవ్‌ షా, ఆర్ట్‌ డైరెక్టర్‌: సురేష్‌ సెల్వరాజన్‌, ఎగ్జిక్యూటివ్‌ ప్రొడ్యూసర్‌: వాకాడ అప్పారావు.
