హీరో శ్రీవిష్ణు నటించిన తాజా చిత్రం 'అల్లూరి'. ప్రదీప్‌ వర్మ దర్శకత్వం వహించారు. లక్కీ మీడియా బ్యానర్‌పై బెక్కెం వేణుగోపాల్‌ ఈ చిత్రాన్ని నిర్మించగా, బెక్కెం బబిత సమర్పించారు.
ఈనెల 23న ప్రపంచ వ్యాప్తంగా భారీగా విడుదలైన ఈ చిత్రం బ్లాక్‌ బస్టర్‌ విజయాన్ని అందుకుంది. ఈ నేపథ్యంలో చిత్ర యూనిట్‌ సక్సెస్‌ మీట్‌ని నిర్వహించింది. శ్రీవిష్ణు మాట్లాడుతూ,'మా చిత్రానికి అన్ని ప్రాంతాల నుండి మంచి రెస్పాన్స్‌ వస్తోంది. కొన్ని సాంకేతిక కారణాల వల్ల మార్నింగ్‌ షో కుదరలేదు. దానికి ప్రేక్షకులకు క్షమాపణలు. సిన్సియర్‌ పోలీస్‌ ఆఫీసర్‌ కథని ఒక బయోపిక్‌లా, కీలకమైన సంఘటనలతో ప్రజెంట్‌ చేేశాం. ప్రేక్షకుల నుండి కూడా అంతే సిన్సియర్‌గా మంచి రెస్పాన్స్‌ వస్తోంది. యాక్షన్‌ సీన్స్‌కి విజల్స్‌ వేస్తున్నారు. నేను ఫైట్లు చేస్తే విజల్స్‌ వేయడం నాకే కొత్త అనుభూతినిచ్చింది. ఇంటర్వెల్‌, క్లైమాక్స్‌కి చాలా మంది ఎమోషనల్‌గా కనెక్ట్‌ అయ్యారు. సెకండ్‌ హాఫ్‌లో చాలా మంది ఫ్యామిలీ ఆడియన్స్‌ కనెక్ట్‌ అవ్వడం చాలా ఆనందంగా ఉంది. ఈ సినిమాకి పని చేసిన నటీనటులకు, సాంకేతిక నిపుణలకు పేరుపేరునా కృతజ్ఞతలు. రాజ్‌ తోట అద్భుతమైన విజువల్స్‌ ఇచ్చారు. దర్శకుడు ప్రదీప్‌ కథ చెప్పినట్లే చాలా సిన్సియర్‌గా సినిమాని ప్రజంట్‌ చేశారు. నిర్మాత బెక్కం వేణుగోపాల్‌ నన్ను 'ప్రేమ ఇష్క్‌ కాదల్‌'తో పరిచయం చేశారు. ఆయనతో జర్నీ చాలా బావుంటుంది. చాలా మంచి మనిషి. ఈ సినిమా చూసిన వాళ్ళు మీ అనుభవాన్ని స్నేహితులకి చెప్పండి. ఈ సినిమాని చూడని వాళ్ళు వెంటనే చూడండి. ఈ సినిమాని అందరూ ఆదరించి ఇంకా పెద్ద సినిమా చేయాలి' అని కోరారు.
