భారతీయ చిత్రపరిశ్రమలోని ఇద్దరు అగ్ర కథానాయకులు చిరంజీవి, సల్మాన్‌ ఖాన్‌ వంటి క్రేజీ కాంబినేషన్‌లో తెరకెక్కుతున్న యాక్షన్‌ ఎంటర్‌టైనర్‌ 'గాడ్‌ ఫాదర్‌'. మోహన్‌ రాజా దర్శకత్వం వహిస్తున్న ఈ సినిమా అక్టోబర్‌ 5 న గ్రాండ్‌ విడుదల కానుంది. ఇప్పటికే ప్రమోషన్‌ కంటెంట్‌ అన్ని వర్గాల ప్రేక్షకులని అలరిస్తుంది. మేకర్స్‌ తాజాగా 'గాడ్‌ ఫాదర్‌' మెగా పబ్లిక్‌ ఈవెంట్‌ తేదీ, వేదికను ప్రకటించారు. ఈనెల 28న అనంతపురంలో ఈ వేడుకను ఘనంగా నిర్వహించేందుకు ఏర్పాట్లు చేస్తున్నారు. చిరంజీవితో పాటు 'గాడ్‌ ఫాదర్‌' టీమ్‌ ఈ వేడుకకు హాజరుకానున్నారు. పెద్ద సంఖ్యలో వస్తున్న అభిమానులు, సినీ ప్రేక్షకుల సమక్షంలో ఈ వేడుక గ్రాండ్‌గా జరగనుంది.
ఈ సినిమాలో చిరంజీవి తొలిసారి సాల్ట్‌ అండ్‌ పెప్పర్‌ లుక్‌లో కనిపించనున్నారు. బాలీవుడ్‌ స్టార్‌ హీరో సల్మాన్‌ ఖాన్‌ ఈ చిత్రంతో టాలీవుడ్‌లోకి అరంగేట్రం చేస్తున్నారు. నయనతార, సత్యదేవ్‌, సునీల్‌, సముద్రఖని ముఖ్య తారాగణం. కొణిదెల సురేఖ సమర్పణలో కొణిదెల ప్రొడక్షన్స్‌, సూపర్‌ గుడ్‌ ఫిలింస్‌ బ్యానర్‌లపై ఆర్‌బి చౌదరి, ఎన్‌వి ప్రసాద్‌ ఈ చిత్రాన్ని గ్రాండ్‌గా నిర్మిస్తున్నారు. మాస్టర్‌ సినిమాటోగ్రాఫర్‌ నీరవ్‌ షా కెమెరా హ్యాండిల్‌ చేస్తుండగా, సురేష్‌ సెల్వరాజన్‌ ఆర్ట్‌ డైరెక్టర్‌గా వ్యవహరిస్తున్నారు. అక్టోబర్‌ 5న దసరా కానుకగా తెలుగు, హిందీ భాషల్లో ఈ సినిమా విడుదల కానుంది.
