గణేష్‌ హీరోగా ఫార్చ్యూన్‌ ఫోర్‌ సినిమాస్‌ సంస్థతో కలిసి సితార ఎంటర్‌ టైన్మెంట్స్‌ బ్యానర్‌ పై సూర్య దేవర నాగవంశీ నిర్మిస్తున్న చిత్రం 'స్వాతిముత్యం'. వర్ష బొల్లమ్మ కథానాయిక. లక్ష్మణ్‌.కె.కృష్ణ ఈ చిత్రం ద్వారా దర్శకుడిగా పరిచయం అవుతున్నారు. వినోద భరితమైన ఈ కుటుంబ కథా చిత్రం విజయ దశమి కానుకగా అక్టోబర్‌ 5న ప్రేక్షకుల ముందుకు రానుంది. ఈ నేపథ్యంలో సోమవారం ఏఎంబీ సినిమాస్‌లో చిత్ర ట్రైలర్‌ విడుదల వేడుక ఘనంగా జరిగింది.
ఈ సందర్భంగా దర్శకుడు లక్ష్మణ్‌ మాట్లాడుతూ, 'ఈ సినిమా రెగ్యులర్‌ ఫ్యామిలీ ఎంటర్టైనర్‌ అయితే కాదు. సినిమాలో కొత్త పాయింట్‌ ఉంది. చిన్న టౌన్‌లో ఒకబ్బాయికి గవర్నమెంట్‌ జాబ్‌ వచ్చిన వెంటనే కుటుంబ సభ్యులు పెళ్లి చేసే విధానం, ఆ సిచ్చ్యువేషన్‌లో అబ్బాయికి వచ్చే ప్రాబ్లెమ్‌ చూపించబోతున్నాం. చాలా విచిత్రంగా ఉంటుంది. అబ్బాయి లైఫ్‌లో ఒక విచిత్రమైన ప్రాబ్లెమ్‌ వస్తే, ఆ అబ్బాయి ఎలా ఫేస్‌ చేస్తాడు? ఆ పరిస్థితులు ఎలా ఉంటాయి? మన చుట్టూ ఉండేవారు ఆ ప్రాబ్లెమ్‌కి ఎలా రియాక్ట్‌ అవుతారు? ఇలా ఆసక్తికరంగా ఉంటుంది. సినిమా చాలా బాగా వచ్చింది. గణేష్‌ చాలా బాగా చేశాడు. ఈ కథ రాస్తున్నప్పుడే హీరోయిన్‌గా వర్ష బాగుంటుందని అనుకున్నాను. వంశీ(నిర్మాత నాగ వంశీ) అన్నకు బిగ్‌ థాంక్స్‌. స్క్రిప్ట్‌ వినగానే నన్ను చాలా నమ్మారు. ఆయన నా మీద చూపించిన నమ్మకం, నాకు ఇచ్చిన భరోసాకి ధన్యవాదాలు. మహతి స్వర సాగర్‌ చాలా మంచి సంగీతం ఇచ్చాడు' అని అన్నారు.
'మీ అందరికీ ట్రైలర్‌ నచ్చిందని అనుకుంటున్నాను. కొత్త ప్రతిభకు పెద్ద ప్రొడక్షన్‌ హౌస్‌లో అవకాశం ఇవ్వడమనేది చాలా పెద్ద విషయం. లక్ష్మణ్‌ గురించి చెప్పాలంటే.. స్మాల్‌ టౌన్‌ నుంచి వచ్చిన వారిలో ఒక ఇన్నోసెన్స్‌ ఉంటుంది. ఆది ఆయనలోనూ, ఆయన రైటింగ్‌ లోనూ, ఈ సినిమాలోనూ కనిపిస్తుంది. గణేష్‌కిది మొదటి సినిమా అయినా చాలా అద్భుతంగా చేశాడు. ఆయన క్రమశిక్షణ, సెట్స్‌ అందరితో నడుచుకునే విధానం చాలా బాగుంది. గణేష్‌ కష్టానికి తగ్గ ఫలితం వస్తుందని ఆశిస్తున్నాను. అలాగే ఈ సినిమా మీ అందరికీ నచ్చుతుందని కోరుకుంటున్నాను' అని నాయిక వర్ష బొల్లమ్మ చెప్పారు.
ఈ చిత్రంలోని ఇతరపాత్రల్లో సీనియర్‌ నటుడు నరేష్‌, రావు రమేష్‌, సుబ్బరాజు, వెన్నెల కిషోర్‌, సప్తగిరి, హర్ష వర్ధన్‌, పమ్మి సాయి, గోపరాజు రమణ, శివ నారాయణ, ప్రగతి, సురేఖావాణి, సునయన, దివ్య శ్రీపాద నటిస్తున్నారు.
లక్ష్మణ్‌ చెప్పిన కథ చేస్తే తెలుగు ప్రేక్షకులు ఖచ్చితంగా ఆదరిస్తారని నమ్మి, సితార దగ్గరకు తీసుకెళ్లడం జరిగింది. కథ వినగానే ఒక్క క్షణం కూడా ఆలోచించకుండా అంగీకరించారు. ఇంత భారీ తారాగణంతో సినిమా అద్భుతంగా తెరకెక్కి ప్రేక్షకుల ముందుకు వస్తుందంటే, దానికి ప్రధాన కారణం వంశీ. ఆయనకు నా కృత్ఞతలు. నన్ను నేను మొదటిసారి బిగ్‌ స్క్రీన్‌ మీద చూసుకుంటున్నాను. టెన్షన్‌ గా ఉంది. ఏం చెప్పాలో, ఎలా ఉండాలో కూడా నాకు అర్థం కావట్లేదు. కానీ ట్రైలర్‌లో చూసినట్టుగానే ఈ సినిమా చాలా సరదాగా.. మన ఇంట్లోనో, మన పక్కింట్లోనో జరిగే కథ లాగా ఉంటుంది. సినిమా చాలా బాగుంది. మంచి మ్యూజిక్ అందించిన మహతికి, నేను ఇంత అందంగా ఉంటానా అని నాకు నేనే అనుకునే అంత అందంగా చూపించిన డీఓపీ సూర్యకి, నేషనల్‌ అవార్డు విన్నర్‌ ఎడిటర్‌ నవీన్‌ నూలికి థ్యాంక్స్‌. ఇంత మంచి స్టోరీ నాకు ఇచ్చిన లక్ష్మణ్‌ బ్రదర్‌కి థ్యాంక్స్‌. వర్ష నన్ను కొత్త హీరోలాగా ట్రీట్‌ చేయలేదు. సెట్‌ లో చాలా సపోర్ట్‌ గా నిలిచింది. ఈ సినిమాను థియేటర్స్‌లో మీరందరూ చూసి ఎంజారు చేస్తారని ఆశిస్తున్నాను.
- హీరో గణేష్‌
