ఆది సాయికుమార్‌ హీరోగా నటిస్తున్న కొత్త సినిమా 'సీఎస్‌ఐ సనాతన్‌'. ఈ చిత్రంలో క్రైమ్‌ సీన్‌ ఇన్వెస్టిగేషన్‌ (సియస్‌ ఐ) ఆఫీసర్‌గా ఆయన ఒక కొత్త రోల్‌లో ప్రేక్షకుల ముందుకు రాబోతున్నారు. చాగంటి ప్రొడక్షన్‌ పతాకంపై శివశంకర్‌ దేవ్‌ దర్శకత్వంలో ఈ సినిమా తెరకెక్కుతోంది. క్రైమ్‌ బ్యాక్‌ డ్రాప్‌లో గ్రిప్పింగ్‌ థ్రిల్లర్‌గా రూపొందుతున్న ఈ సినిమా గ్లింప్స్‌ను తాజాగా మేకర్స్‌ విడుదల చేశారు. 'ఈ గ్లింప్స్‌ ఆసక్తికరంగా ఉంది. హత్య కేసును చేధించేందుకు రంగంలోకి దిగిన క్రైం సీన్‌ ఇన్వెస్టిగేషన్‌ ఆఫీసర్‌గా ఆది సాయికుమార్‌ ఇంటెన్స్‌ మూడ్‌లో కనిపించారు. క్రైమ్‌ సీన్‌లో దొరికిన ప్రతి చిన్న అంశాన్నీ రిపోర్టులో చేరుస్తూ నివేదిక తయారు చేస్తున్నారు. ఎలాంటి నేరాన్నైనా చేధించే ఇన్వెస్టిగేషన్‌ ఆఫీసర్‌గా ఆది సాయికుమార్‌ పాత్ర రూపొందింది. ఈ క్లూస్‌తో నేరస్థులను హీరో ఎలా పట్టుకోబోతున్నాడు అనేది ఇంట్రెస్టింగ్‌గా ఉండనుంది. ఇప్పటిదాకా రాని సరికొత్త ఇన్వెస్టిగేటివ్‌ థ్రిల్లర్‌గా ఈ సినిమా ఉండనుంది. హత్య కేసు విచారణ సాగే క్రమం అంతా ఆద్యంతం ఆసక్తిని పంచనుంది. ప్రస్తుతం పోస్ట్‌ ప్రొడక్షన్‌ పనుల్లో ఉన్న ఈ సినిమా నవంబర్‌ రెండో వారంలో ప్రేక్షకుల ముందుకు రానుంది. ఆదిసాయికుమార్‌, మిషా నారంగ్‌, అలీ రెజా, నందిని రారు, తాకర్‌ పొన్నప్ప, మధు సూదన్‌, వసంతి తదితరులు నటిస్తున్న ఈచిత్రానికి సినిమాటోగ్రఫీ : జి.శేఖర్‌, మ్యూజిక్: అనీష్‌ సోలోమాన్‌, నిర్మాత :అజరు శ్రీనివాస్‌, దర్శకుడు : శివశంకర్‌ దేవ్‌.
