విశ్వక్‌ సేన్‌, మిథిలా పాల్కర్‌, ఆశా భట్‌ హీరో, హీరోయిన్లుగా నటిస్తున్న చిత్రం 'ఓరి దేవుడా'. తాజాగా ఈ చిత్రం నుంచి 'ఔననవా..ఔననవా..' అంటూ సాగే పల్లవిగల మెలోడీ సాంగ్‌ను రిలీజ్‌ చేశారు. సిద్‌ శ్రీరామ్‌ పాడిన ఈ పాటకు లియోన్‌ జేమ్స్‌ సంగీతాన్ని అందించారు. ''ఏమని అనాలని తోచని క్షణాలివి, ఏ మలుపు ఎదురయ్యే పయనమిదా, ఆమని నువ్వేనని నీ జత చేరాలని, ఏ తలపో మొదలయ్యే మౌనమిదా...ఔననవా ఔననవా..' అంటూ ప్రేమికుడు తన ప్రేయసికి మనసులోని మాటలను పాట రూపంలో చెబితే ఎలా ఉంటుంది, మనసుకు హత్తుకుంటుంది. ఇంతకీ ఆ ప్రేమికుడు ఎవరో కాదు.. అశోక్‌ సెల్వన్‌. ఇంతకీ ఆయన తన ప్రేమను ఎవరికీ చెప్పాడో తెలియాలంటే 'ఓరి దేవుడా' సినిమా చూడాల్సిందేనంటున్నారు నిర్మాత ప్రసాద్‌ వి.పొట్లూరి.
ఈ సినిమాను ఎనౌన్స్‌ చేసిన రోజు నుంచి అందరి దృష్టిని ఆకర్షించింది. అశ్వత్‌ మారి ముత్తు ఈ చిత్రాన్ని తెరకెక్కిస్తున్నారు. హీరో వెంకటేష్‌ ఇందులో దేవుడు పాత్రలో కనిపించబోతున్న సంగతి తెలిసిందే. ఈ సినిమా చిత్రీకరణ పూర్తయ్యింది. పోస్ట్‌ ప్రొడక్షన్‌ కార్యక్రమాలు శరవేగంగా జరుగుతున్నాయి. దీపావళి సందర్భంగా ఈ చిత్రాన్ని అక్టోబర్‌ 21న విడుదల చేస్తున్నారు. దర్శకుడు తరుణ్‌ భాస్కర్‌ డైలాగ్స్‌ రాశారు. విజరు ఈ చిత్రాన్ని ఎడిటర్‌గా, విదు అయ్యన్న సినిమాటోగ్రాఫర్‌గా వ్యవహరిస్తున్నారు.
