నాగశౌర్య కథానాయకుడిగా అనీష్‌ ఆర్‌ కృష్ణ దర్శకత్వంలో ఐరా క్రియేషన్స్‌ పతాకంపై నిర్మాత ఉషా మూల్పూరి నిర్మించిన చిత్రం 'కృష్ణ వ్రింద విహారి'.
షిర్లీ సెటియా కథానాయిక. శంకర్‌ ప్రసాద్‌ ముల్పూరి ఈ చిత్రాన్ని సమర్పించారు. మహతి స్వరసాగర్‌ సంగీతం అందించారు. ఈనెల 23న ప్రపంచవ్యాప్తంగా విడుదలైన ఈ చిత్రం హిలేరియస్‌ బ్లాక్‌ బస్టర్‌ విజయాన్ని అందుకుంది. ఈ నేపథ్యంలో చిత్ర యూనిట్‌ థ్యాంక్యూ యూ మీట్‌ని నిర్వహించింది. ఈ సందర్భంగా హీరో నాగశౌర్య మాట్లాడుతూ, 'మా సినిమాని ఆదరించి గొప్ప విజయాన్ని అందించిన ప్రేక్షకులకు కృతజ్ఞతలు. చాలా మంచి సినిమా. థియేటర్‌లో చాలా మంచి రెస్పాన్స్‌ వచ్చింది. మొదటి రోజు నుండి థియేటర్లు, రెవెన్యూ పెరుగుతున్నాయి. పంపిణీదారులు, మేమంతా ఆనందంగా ఉన్నాం. సత్య, రాహుల్‌ రామకృష్ణ, వెన్నెల కిషోర్‌ ఇలా అందరూ నటులు చాలా అద్భుతంగా చేశారు. వారితో కలిసి చేసిన సీన్స్‌కి థియేటర్‌లో ట్రెమండస్‌ రెస్పాన్స్‌ వస్తోంది. మంచి సినిమాని ఇచ్చిన దర్శకుడు అనీష్‌ కృష్ణకు, నిర్మాతైన మా అమ్మకి థ్యాంక్స్‌. 'ఛలో' తర్వాత గర్వపడే హిట్‌ ఇచ్చినందు మా అమ్మకి స్పెషల్‌ థ్యాంక్స్‌. సినిమాని ఇంకా చూడనివారు థియేటర్‌కి రండి. ఖచ్చితంగా ఎంజారు చేస్తారు' అని చెప్పారు.
'ఈ సినిమా చూసిన ప్రతి ఒక్క ప్రేక్షకునికి కృతజ్ఞతలు. ఈ సినిమాపై మొదటి నుండి చాలా నమ్మకంతో ఉన్నాం. ఆ బలమైన నమ్మకంతోనే నాగశౌర్య పాదయాత్ర కూడా చేశారు. ఈ పాదయాత్రకి ఎంతగానో సపోర్ట్‌ చేసిన పోలీస్‌ సిబ్బందికి, పీఆర్‌ టీంకి, పాదయాత్రలో మా వెంటనడిచిన అభిమానులందరికీ కృతజ్ఞతలు. ఫ్యామిలీతో అందరూ కలిసి థియేటర్‌లో చూడాల్సిన సినిమా. ఒక రెండు గంటల పాటు అన్ని ఒత్తిళ్ళు పోగొట్టి మనసుని హాయితో నింపే సినిమా ఇది. థియేటర్‌కి వచ్చిన అందరూ చాలా ఎంజారు చేశారు. దసరా సెలవలు కూడా వచ్చాయి కాబట్టి ఇంకా సినిమా చూడని వారు మీ ఫ్యామిలీతో కలిసొచ్చి సినిమా చూసి ఆనందించాలి' అని నిర్మాత ఉషా మూల్పూరి అన్నారు.
దర్శకుడు అనీష్‌ ఆర్‌ కృష్ణ మాట్లాడుతూ, 'కృష్ణ వ్రింద విహారి' డీసెంట్‌ ఓపెనింగ్స్‌తో మొదలైంది. శుక్రవారం కంటే శనివారం 36 శాతం రెవెన్యూ పెరిగింది. ఆదివారం ఇంకో 20 శాతం పెరిగింది. రెవెన్యూ స్టడీగా కొనసాగుతోంది. సినిమాని పెద్ద విజయం చేసిన ప్రేక్షకులకు కృతజ్ఞతలు. నాగశౌర్యకి స్పెషల్‌ థ్యాంక్స్‌. రాధికతో పాటు ఈ సినిమాలో పని చేసిన అందరికీ కృతజ్ఞతలు. మా సినిమాకి పెద్ద విజయాన్ని ఇచ్చిన ప్రేక్షకులకు మరోసారి కృతజ్ఞతలు' అని తెలిపారు.
'అన్ని వర్గాల ప్రేక్షకుల ఆదరణతో మా సినిమా మంచి విజయాన్ని అందుకుంది. మంచి కంటెంట్‌ ఉంటే మన ప్రేక్షకులు తప్పకుండా దాన్ని బ్లాక్‌బస్టర్‌ చేస్తారు. ఈ సినిమా విషయంలోనూ అదే నిరూపణ అయ్యింది. ప్రేక్షకుల్ని అలరించే పాత్రలు ఇందులో మేం చేసినందుకు చాలా ఆనందంగా ఉంది.