యువ కథానాయకుడు నాని నటిస్తున్న పాన్‌ ఇండియా చిత్రం 'దసరా'. ఈ సినిమా నుంచి మాస్‌, రగ్గ్డ్‌ డ్యాన్స్‌ మూమెంట్స్‌తో కూడిన పక్కా మాస్‌ లోకల్‌ స్ట్రీట్‌ సాంగ్‌ దసరా రోజున విడుదల కానుంది. సంతోష్‌ నారాయణ్‌ స్వరపరిచిన 'ధూమ్‌ ధామ్‌ దోస్తాన్‌' పాటలో బొగ్గు గనుల్లో తన స్నేహితులతోపాటు అద్భుతమైన డ్యాన్స్‌లతో నాని అలరించబోతున్నారు.
తాజాగా ఈ పాట కోసం విడుదలైన పోస్టర్‌లో నాని రా, రస్టిక్‌ గెటప్‌ ఊహతీతంగా ఉంది. నాని లుక్‌ ద్వారా ఆయన పాత్ర రగ్గడ్‌ నెస్‌ని ఊహించవచ్చు. గుబురు గడ్డం, మాసీ జట్టు, లుంగీ, బనియన్‌, ఓపెన్‌ షర్టుతో మిలియన్‌ డాలర్ల చిరునవ్వుతో మెస్మరైజ్‌ చేశారు నాని.
శ్రీ లక్ష్మీ వెంకటేశ్వర సినిమాస్‌ బ్యానర్‌పై సుధాకర్‌ చెరుకూరి భారీ ఎత్తున నిర్మిస్తున్న ఈ సినిమాతో శ్రీకాంత్‌ ఓదెల దర్శకుడిగా పరిచయం అవుతున్నారు. కీర్తి సురేష్‌ ఈ సినిమాలో నానికి జోడిగా కనిపించనుంది. సముద్రఖని, సాయి కుమార్‌, జరీనా వహాబ్‌ కీలక పాత్రలలో కనిపించనున్న ఎగ్జిక్యూటివ్‌ నిర్మాతగా విజరు చాగంటి వ్యవహరిస్తున్నారు. ఈ చిత్రం తెలుగు, తమిళం, కన్నడ, మలయాళం, హిందీ భాషల్లో 30 మార్చి, 2023న విడుదల కానుంది. ఈ చిత్రానికి డీవోపీ: సత్యన్‌ సూర్యన్‌ ఐ.ఎస్‌.సీ, సంగీతం: సంతోష్‌ నారాయణన్‌, ఎడిటర్‌: నవీన్‌ నూలి, ప్రొడక్షన్‌ డిజైనర్‌: అవినాష్‌ కొల్లా, ఫైట్స్‌: అన్బరివ్‌.
