నేటి తరం ప్రేక్షకులను అలరించే సరికొత్త కథతో హీరో శ్రీ సింహా కొత్త చిత్రం 'భాగ్‌ సాలే' ఫస్ట్‌ లుక్‌ శుక్రవారం విడుదలైంది. ప్రణీత్‌ సాయి దర్శకత్వంలో క్రైమ్‌ కామెడీగా తెరకెక్కుతున్న ఈ చిత్రాన్ని వేదాన్ష్‌ క్రియేటివ్‌ వర్క్స్‌, బిగ్‌ బెన్‌, సినీ వ్యాలీ మూవీస్‌ సినిమా బ్యానర్లపై అర్జున్ దాస్యన్‌, యష్‌ రంగినేని, కళ్యాణ్‌ సింగనమల నిర్మిస్తున్నారు.
టైటిల్‌ మరియు ఫస్ట్‌ లుక్‌ విడుదల సందర్భంగా నిర్మాత అర్జున్ దాస్యన్‌ మాట్లాడుతూ, 'ఈతరం ప్రేక్షకులను అలరించే కథతో థ్రిల్లింగ్‌ క్రైమ్‌ కామెడీగా తెరకెక్కుతున్న మా చిత్రం ఫస్ట్‌ లుక్‌ని విడుదల చేశాం. ప్రణీత్‌ సాయి దర్శకత్వంలో అర్జున్ పాత్రలో హీరో శ్రీ సింహా, నేహా సొలంకి హీరోయిన్‌గా నటిస్తోంది. జాన్‌ విజరు, నందిని రారు ప్రతినాయక పాత్రలు చేస్తున్నారు. ఏం చేసైనా అనుకున్నది సాధించాలనుకునే ఒక యువకుడి పాత్ర చుట్టూ తిరిగే ఈ కథ ఆద్యంతం థ్రిల్‌ చేస్తుంది. ఇందులో రాజీవ్‌ కనకాల, వైవా హర్ష, సత్య, సుదర్శన్‌, వర్షిణి తదితరుల పాత్రలు అందర్నీ అలరిస్తాయి. చిత్ర విజయం పై మాకు పూర్తి నమ్మకం ఉంది' అని తెలిపారు.
చిత్రీకరణ పూర్తి చేసుకున్న ఈ చిత్రం ప్రస్తుతం నిర్మాణంతర కార్యక్రమాలు జరుపుకుంటూ విడుదలకి సిద్ధంగా ఉంది.
రాజీవ్‌ కనకాల, జాన్‌ విజయ్, వర్షిణి సౌందరాజన్‌, నందిని రారు, వైవా హర్ష, సత్య, సుదర్శన్‌, పృథ్వీరాజ్‌, ఆర్‌ జె హేమంత్‌, బిందు చంద్రమౌళి తదితరులు నటిస్తున్న ఈ చిత్రానికి నిర్మాతలు: అర్జున్ దాస్యన్‌, యష్‌ రంగినేని, కళ్యాణ్‌ సింగనమల, దర్శకుడు: ప్రణీత్‌ సాయి, ఛాయాగ్రహణం: రమేష్‌ కుషేందర్‌, సంగీతం: కాల భైరవ, ఎడిటర్‌: ఆర్‌.కార్తీక శ్రీనివాస్‌, ఆర్ట్‌ డైరెక్టర్‌: శృతి నూకల, ఫైట్‌ మాస్టర్‌: రామ కృష్ణ, కొరియోగ్రాఫర్‌: భాను, విజయ్ పోలకి, ఎగ్జిక్యూటివ్‌ నిర్మాత: అశ్వత్థామ, గిఫ్ట్సన్‌ కొరబండి.
