విశ్వంత్‌ దుడ్డుంపూడి, మాళవిక సతీషన్‌ ప్రధాన పాత్రలలో సంతోష్‌ కంభంపాటి దర్శకత్వంలో తెరకెక్కిన రోమ్‌-కామ్‌ 'బారుఫ్రెండ్‌ ఫర్‌ హైర్‌'.
స్వస్తిక సినిమా, ప్రైమ్‌ షో ఎంటర్‌టైన్‌మెంట్స్‌ పతాకాలపై వేణు మాధవ్‌ పెద్ది, కె నిరంజన్‌ రెడ్డి సంయుక్తంగా ఈ చిత్రాన్ని నిర్మిస్తున్నారు. ఈ నెల 14న ఈ చిత్రం విడుదల కానున్న నేపథ్యంలో హీరోయిన్‌ మాళవిక సతీషన్‌ మీడియాతో చిత్ర విశేషాలను షేర్‌ చేసుకున్నారు.
'బారుఫ్రెండ్‌ ఫర్‌ హైర్‌'..ఈ సినిమా టైటిల్‌ చూసి ఇది బోల్డ్‌ ఫిలిం అనుకుంటారు. కానీ ఇది చాలా క్లీన్‌ మూవీ. యు/ఎ మూవీ. నటనకు చాలా ఆస్కారం ఉన్న సినిమా ఇది. ఎమోషన్‌, కామెడీ ఇలా.. అన్ని కోణాలు చూపించే సినిమా. చాలా వైవిధ్యమైన కాన్సెప్ట్‌ ఉంటుంది. ఇందులో దివ్య అనే పాత్రలో కనిపిస్తా. నా రియల్‌ లైఫ్‌కి దగ్గరగా ఉండే పాత్ర ఇది. చాలా బబ్లీగా ఉంటుంది. బేసిగ్గా సినిమాల్లో అమ్మాయి వెనుక అబ్బాయి తిరుగుతాడు. కానీ ఇందులో అమ్మాయే అబ్బాయి వెనుక తిరుగుతుంది.
కథలో మంచి ఎమోషనల్‌ జర్నీ ఉంటుంది. ప్రేక్షకులకు ఖచ్చితంగా నచ్చుతుందనే నమ్మకం ఉంది. థియేటర్‌లో ఎక్స్‌పీరియన్స్‌ చేయాల్సిన సినిమా ఇది. ఈ సినిమాలో హీరో విశ్వంత్‌ ఇంట్రోవర్ట్‌, నేను ఎక్స్‌ట్రోవర్ట్‌. ఇద్దరి మధ్య టామ్‌ అండ్‌ జెర్రీ గేమ్‌లా ఉంటుంది. నా కవర్ వీడియో సాంగ్‌ చూసి డైరెక్టర్‌ సంతోష్‌ ఆడిషన్స్‌కి పిలిచారు. ఆడిషన్స్‌ ఇచ్చాను. ఆ పాత్రకు నేను సరిపోతానని ఫైనల్‌ చేశారు. ఆయనతోనే మరో సినిమా కూడా చేస్తున్నాం. నిర్మాతలు వేణు, నిరంజన్‌ రెడ్డి ఈ చిత్రానికి బ్యాక్‌ బోన్స్‌. వేణు ఈ సినిమా కోసం చాలా కష్టపడ్డారు. ఎక్కడా రాజీపడకుండా సినిమాని నిర్మించారు.'చూసి చూడంగానే..' సినిమా తర్వాత నాకు తెలుగులో గ్యాప్‌ రావడానికి కారణం నా చదువు ఇప్పుడే కంప్లీట్‌ అయ్యింది. చదువు కారణంగా సినిమాల్లో కొంచెం నెమ్మదిగా ఉన్నా. ఇప్పుడు మూడు సినిమాలు చేస్తున్నా. శివ నాగేశ్వర రావు దర్శకత్వంలో 'దొచేవారెవరురా', అలాగే సూపర్‌ గుడ్‌ ఫిలిమ్స్‌లో మరో సినిమాలో నటిస్తున్నా. ప్రస్తుతం నా సినిమా కెరీర్‌ చాలా హాయిగా జరుగుతోంది. తెలుగు సినిమా పరిశ్రమ ఎవరినైనా స్వాగతిస్తుంది. తెలుగులో ఉన్న గొప్పతనం ఇది. పాత్రల విషయంలో నాకు ఒక విష్‌ లిస్టు ఉంది. డిఫెన్స్‌ ఆఫీసర్‌గా, స్పోర్ట్‌, బయోపిక్‌, రాజమౌళి సినిమాలో చేయాలని ఆశిస్తున్నా' అని తెలిపారు.
