విశ్వక్‌ సేన్‌, మిథిలా పాల్కర్‌, ఆశా భట్‌ హీరో హీరోయిన్లుగా నటిస్తున్న చిత్రం 'ఓరి దేవుడా'. అశ్వత్‌ మారి ముత్తు దర్శకత్వంలో ప్రసాద్‌ వి. పొట్లూరి నిర్మిస్తున్నారు.
           అగ్రకథానాయకుడు వెంకటేష్‌ ఇందులో దేవుడు పాత్రలో కనిపించబోతున్న సంగతి తెలిసిందే. ఈ సినిమాను దీపావళి సందర్భంగా ఈనెల 21న విడుదల చేస్తున్నారు. శుక్రవారం సినిమా ట్రైలర్‌ లాంచ్‌ ఈవెంట్‌ జరిగింది. ఈ సందర్భంగా డైరెక్టర్‌ అశ్వత్‌ మారిముత్తు మాట్లాడుతూ, 'నన్ను తెలుగు సినిమాకు పరిచయం చేస్తున్న పివిపికి థ్యాంక్స్‌. తెలుగు ఆడియెన్స్‌ అందరికీ ఈ సినిమాను డేడికేట్‌ చేస్తున్నాను. అందరికీ ట్రైలర్‌ నచ్చి ఉంటుందని అనుకుంటున్నాను. అలాగే విశ్వక్‌ కూడా కొత్తగా కనిపించే ఉంటాడు. తను ఈ సినిమాలో అద్భుతంగా యాక్ట్‌ చేశాడు. ఈ సినిమా కచ్చితంగా బ్లాక్‌ బస్టర్‌ అవుతుంది. అనిరుధ్‌ ఈ సినిమాలో ఓ పాట పాడారు. అలాగే విశ్వక్‌ సేన్‌తో కూడా పాట పాడించాలని అనుకుంటన్నాం. ట్రైలర్‌ను ఎలాగైతే ఎంజాయ్‌ చేశారో, సినిమాను కూడా అలాగే ఎంజారు చేస్తారు' అని చెప్పారు.
హీరో విశ్వక్‌ సేన్‌ మాట్లాడుతూ, 'ఈ సినిమాపై చాలా కాన్ఫిడెంట్‌గా ఉన్నాను.            'ఓరి దేవుడా' ముందు.. తర్వాత అనేలా నా కెరీర్‌ ఉంటుంది. అంత మంచి సినిమాను ఇచ్చిన పివిపికి థ్యాంక్స్‌. డైరెక్టర్‌ అశ్వత్‌.. ఆల్‌ రెడీ సినిమాతో మ్యాజిక్‌ చేశాడు. ఇప్పుడు అదే మ్యాజిక్‌ను రిపీట్‌ చేస్తాడు. ఎమోషనల్‌, హ్యాపీ మూవీ. సినిమాను చూసిన తర్వాత ఎమోషన్స్‌ను క్యారీ చేస్తూ మాట్లాడుకుంటారు. లియోన్‌ అమేజింగ్‌ మ్యూజిక్‌ అందించాడు. మూడు రోజుల్లో మరో సూపర్‌ సాంగ్‌ను రిలీజ్‌ చేయబోతున్నాం. ఆ పాటను అనిరుధ్‌ పాడారు. తరుణ్‌ భాస్కర్‌ తెలుగులో డైలాగ్స్‌ రాశాడు. 'ఫలక్‌నుమాదాస్‌' సినిమా కోసం నాకు ఎవరైనా సపోర్ట్‌ చేస్తే బావుంటుందని అనుకుంటున్న సమయంలో నాకు వెంకటేష్‌ దేవుడిలా, అండగా నిలబడి ట్రైలర్‌ రిలీజ్‌ చేశారు. ఈ సినిమాలో ఆయన దేవుడు క్యారెక్టర్‌ చేశారు. ఆయనకు థ్యాంక్యూ సో మచ్‌. ట్రైలర్‌ అందరికీ నచ్చి ఉంటుంది. సినిమాకు కూడా నచ్చుతుంది' అని చెప్పారు.
           మా బ్యానర్లో వచ్చిన 'ఊపిరి, ఎవరు, క్షణం, ఘాజీ, బలుపు, మహర్షి' అన్నింటినీ ఆదరించారు. ప్రతి సినిమాను డిఫరెంట్‌ కాన్సెప్ట్‌తో చేసుకుంటూ వచ్చాం. అయితే ఓ యూత్‌ఫుల్‌ సినిమా చేయలేదే అని అనుకునేవాడిని. ఈ సినిమా 16 నుంచి 60 ఏళ్ల వారికి నచ్చే సినిమా అవుతుంది. ఈ సినిమా మా బ్యానర్‌లో వన్‌ ఆఫ్‌ ది బ్లాక్‌ బస్టర్‌ మూవీ అవుతుంది. వెంకటేష్‌ దేవుడిగా అద్భుతమైన పాత్ర చేశారు. విశ్వక్‌ సేన్‌కు ఈ సినిమా ఏఓ బొమ్మరిల్లు, తొలిప్రేమ' లాంటి సినిమా అవుతుంది.
- నిర్మాత ప్రసాద్‌ వి.పొట్లూరి