విశ్వంత్‌ దుడ్డుంపూడి, మాళవిక సతీషన్‌ ప్రధాన పాత్రల్లో నటించిన రోమ్‌-కామ్‌ 'బాయ్‌ఫ్రెండ్‌ ఫర్‌ హైర్‌'. సంతోష్‌ కంభంపాటి దర్శకుడు. స్వస్తిక సినిమా, ప్రైమ్‌ షో ఎంటర్‌టైన్‌మెంట్స్‌ పతాకాలపై వేణు మాధవ్‌ పెద్ది, కె నిరంజన్‌ రెడ్డి సంయుక్తంగా ఈ చిత్రాన్ని నిర్మిస్తున్నారు. ఈ నెల 14న ఈ చిత్రం విడుదల కానున్న నేపథ్యంలో మేకర్స్‌ నిర్వహించిన ప్రెస్‌మీట్‌లో హీరో విశ్వంత్‌ దుడ్డుంపూడి మాట్లాడుతూ,'న్యూ ఏజ్‌ కాన్సెప్ట్‌తో రూపొందిన చిత్రమిది. చాలా ఫన్ కాన్సెప్ట్‌. ఈ సినిమాపై మంచి హైప్‌ రావడానికి కారణం దర్శకుడు సంతోష్‌. నిర్మాతలు ఎక్కడా రాజీ పడకుండా సినిమా నిర్మించారు. మా సినిమాని అందరూ థియేటర్లలో చూసి ఎంజాయ్‌ చేయాలి' అని చెప్పారు.
'చాలా యూనిక్‌ కాన్సెప్ట్‌తో రూపొందిన సినిమా ఇది. ఇందులో దివ్య అనే పాత్రలో కనిపిస్తా. ఈ అవకాశం ఇచ్చిన దర్శక నిర్మాతలకు కతజ్ఞతలు' అని నాయిక మాళవిక అన్నారు. దర్శకుడు సంతోష్‌ కంభంపాటి మాట్లాడుతూ, 'ఒక కొత్త దర్శకుడికి కావాల్సిన మంచి కథ, మంచి ప్రొడక్షన్‌ హౌస్‌ ఈ సినిమాతో నాకు దొరికాయి. నిర్మాతలు చాలా ప్రోత్సహించారు. హీరో విశ్వంత్‌ ప్రోత్సాహం మర్చిపోలేను. ఈ సినిమా కోసం ది బెస్ట్‌ వర్క్‌ ఇచ్చాం' అని తెలిపారు.
'ఈ సినిమాని డిఫరెంట్‌ కాన్సెప్ట్‌తో తెరకెక్కించాం. దర్శకుడు సంతోష్‌ సినిమాని చాలా ప్యాషన్‌తో తీశారు. విశ్వంత్‌ బ్రిలియంట్‌గా ఫెర్‌ఫార్మ్‌ చేశారు. ప్రేక్షకులకు తప్పకుండా నచ్చుతుందనే నమ్మకం ఉంది. నిరంజన్‌ రెడ్డి ఈ చిత్రానికి మెయిన్‌ పిల్లర్‌. చాలా బలమైన కంటెంట్‌ ఉన్న సినిమా ఇది. అందరూ తప్పకుండా ఎగ్జైట్‌ అవుతారు. ఆంధ్ర, తెలంగాణలో 350 థియేటర్లో విడుదలచేస్తున్నాం. యుఎస్‌లో వంద థియేటర్లో విడుదల చేస్తున్నాం' అని అన్నారు.
