ఆది సాయికుమార్‌ హీరోగా శ్రీ సత్యసాయి ఆర్ట్స్‌లో ఫణి కృష్ణ సిరికి దర్శకత్వంలో నిర్మాత కె.కె. రాధామోహన్‌ నిర్మించిన యూత్‌ ఫుల్‌ ఫ్యామిలీ ఎంటర్‌టైనర్‌ 'క్రేజీ ఫెలో'. దిగంగన సూర్యవంశి, మిర్నా మీనన్‌ కథానాయికలు. ఈనెల 14న సినిమా విడుదల కానున్న నేపథ్యంలో చిత్ర ప్రీరిలీజ్‌ ఈవెంట్‌ గ్రాండ్‌గా జరిగింది. హీరో శర్వానంద్‌ ఈ వేడుకకు ముఖ్య అతిధిగా హాజరయ్యారు. ఈ సందర్భంగా ఆయన మాట్లాడుతూ, 'ఆది నాకు బ్రదర్‌ లాంటి వాడు. తనకి సక్సెస్‌ వస్తే నేను ఎంజారు చేస్తాను. ఈ సినిమాలో 'రన్‌ రాజా రన్‌' ఫ్లేవర్‌ కనిపిస్తోంది. ట్రైలర్‌ చూస్తుంటే మంచి ఎంటర్‌టైనర్‌ అనిపిస్తోంది. పాటలు చాలా బావున్నాయి. దర్శకుడు ఫణి కృష్ణ టేకింగ్‌ బావుంది. మాటల్లో మంచి కామెడీ టైమింగ్‌ ఉంది. ఈ సినిమా పెద్ద సక్సెస్‌ కావాలి' అని చెప్పారు.
నిర్మాత రాధామోహన్‌ మాట్లాడుతూ, 'దర్శకుడు ఫణి కృష్ణ చెప్పిన కథ నచ్చింది. ఈ కథకి ఆది చక్కగా సరిపోయాడు. మిర్నా ఈ సినిమాతో తెలుగులో అడుగుపెడుతోంది. ఈ సినిమా కోసం మంచి టీమ్‌ వర్క్‌ చేశాం. ఇదొక మంచి ఎంటర్‌ టైనర్‌. ఈనెల 14న సినిమాని థియేటర్లో చూసి ఎంజారు చేయండి' అని తెలిపారు. 'నేను చెప్పిన కథ నచ్చి, నన్ను నమ్మి అవకాశం ఇచ్చిన నిర్మాత రాధామోహన్‌కి కృతజ్ఞతలు. ఈనెల 14న ఆయన నమ్మకం నిలబెట్టుకుంటాను. అది ఈ సినిమాలో కొత్తగా ఉంటారు. ఈ సినిమా ఖచ్చితంగా విజయం సాధిస్తుంది. ఈ సినిమా కోసం చాలా క్రేజీగా పని చేశాం. ఈ సినిమాకి పని చేసిన నటీనటులు, సాంకేతిక నిపుణులందరికీ కృతజ్ఞతలు' అని దర్శకుడు ఫణి కృష్ణ అన్నారు. నాయిక మిర్నా మీనన్‌ మాట్లాడుతూ,'ఈ సినిమాలో అవకాశం ఇచ్చిన దర్శక నిర్మాతలకు కృతజ్ఞతలు. సినిమా షూటింగ్‌ని చాలా ఎంజారు చేశాను. అదితో పని చేయడం ఆనందంగా ఉంది. మంచి సినిమాతో మీముందుకు వస్తున్నాం' అని చెప్పారు. దర్శకుడు మారుతి మాట్లాడుతూ, ' ఈ సినిమాలో పాటలు చాలా ఎనర్జిటిక్‌గా ఉన్నాయి. అది చాలా అద్భుతంగా ఫెర్‌ఫార్మ్‌ చేశారు. నిర్మాత రాధ మోహన్‌ ఎక్కడా రాజీ పడకుండా సినిమా తీశారు. సినిమాలో కూడా కొత్త కాన్సెప్ట్‌ ఉంటుందని భావిస్తున్నాను. ఈ సినిమా గొప్ప విజయం సాధించాలి' అని తెలిపారు. ఈ వేడుకలో కాసర్ల శ్యామ్‌, యాక్షన్‌ కొరియోగ్రఫర్‌ రామకష్ణ, అనీష్‌ కురివిల్లా, వినోదిని వైద్యనాథన్‌ తదితరులు పాల్గొని చిత్ర విజయాన్ని ఆకాంక్షించారు.
ఇదొక హిలేరియస్‌ ఎంటర్‌టైనర్‌. మంచి ఎమోషన్‌ కూడా ఉంటుంది. కథని బలంగా నమ్మి చేశాం. దర్శకుడు ఫణి కృష్ణ చాలా అద్భుతమైన కథని రెడీ చేశారు. నిర్మాత రాధామోహన్‌ ఎక్కడా రాజీ పడకుండా నిర్మించారు. ధ్రువన్‌ అద్భుతమైన మ్యూజిక్ ఇచ్చారు. సతీష్‌ ముత్యాల వండర్‌ఫుల్‌ విజువల్స్‌ ఇచ్చారు.
- హీరో ఆది సాయికుమార్‌
