-నిర్మాత బెల్లం కొండ సురేష్‌
సితార ఎంటర్టైన్మెంట్స్‌ ఫార్చ్యూన్‌ ఫోర్‌ సినిమాస్‌తో కలిసి రూపొందించిన తాజా చిత్రం 'స్వాతిముత్యం'. సూర్యదేవర నాగ వంశీ ఈ చిత్రానికి నిర్మాత. బెల్లం కొండ గణేష్‌ ఈ చిత్రంతో హీరోగా పరిచయమయ్యారు. నూతన దర్శకుడు లక్ష్మణ్‌ కె. కష్ణ ఈ చిత్రానికి దర్శకత్వం వహించారు. దసరా కానుకగా విడుదలైన ఈ చిత్రం ప్రేక్షకులను విశేషంగా అలరిస్తోంది. వినోదభరితమైన కుటుంబ కథా చిత్రంగా అన్ని వర్గాల ప్రేక్షకులను అలరించి బ్లాక్‌ బస్టర్‌ విజయాన్ని అందుకుంది.
ఈ నేపథ్యంలో ప్రేక్షకులకు కతజ్ఞతలు తెలుపుతూ నిర్మాత, హీరో గణేష్‌ తండ్రి బెల్లం కొండ సురేష్‌ చిత్ర బందంతో కలిసి మీడియా సమావేశం నిర్వహించారు.
నిర్మాత బెల్లం కొండ సురేష్‌ మాట్లాడుతూ,'ఈ చిత్రానికి అద్భుతమైన విజయం అందించిన ప్రేక్షకులకు కతజ్ఞతలు. మా అబ్బాయి గణేష్‌తో ఇలాంటి ఒక మంచి సినిమా తీసిన నిర్మాతలు సూర్యదేవర నాగ వంశీ, చినబాబుకి నా జీవితాంతం రుణపడి ఉంటాను. మా అబ్బాయి గణేష్‌ని తొలి చిత్రంతోనే హీరోగా ప్రేక్షకులు ఆదరించడం చాలా ఆనందంగా ఉంది. అలాగే దర్శకుడు లక్ష్మణ్‌ని కూడా యాక్సప్ట్‌ చేశారు. మంచి కథ, కాన్సెప్ట్‌ ఉంటే ప్రేక్షకులు తప్పకుండా ఆదరిస్తారని మా సినిమా మరోసారి రుజువు చేసింది. పెద్ద సినిమాల మధ్య వచ్చి, మంచి సినిమాగా ప్రేక్షకుల ఆదరణ పొందడం విశేషం. నెమ్మదిగా మొదలైన వసూళ్ళు శుక్రవారం నాటికి అద్భుతంగా పెరిగి స్టడీగా కొనసాగుతున్నాయి. ఈ విజయాన్ని నా జన్మలో మర్చిపోలేను' అని తెలిపారు.
'ఒక మంచి సినిమా తీస్తే ఎప్పుడూ ఆదరిస్తారని తెలుగు ప్రేక్షకులు మరోసారి స్వాతిముత్యంతో రుజువు చేశారు. పెద్ద సినిమాల మధ్య చిన్న సినిమాగా వచ్చినప్పటికీ శుక్రవారం నుండి కలెక్షన్స్‌ బెటర్‌గా ఉన్నాయి. తొలి సినిమాకి ఇంత మంచి ఆదరణ నేను ఊహించలేదు. నటుడిగా మంచి పేరు వచ్చింది. మంచి ఫెర్‌ఫార్మెన్స్‌ ఇవ్వగలనని ప్రేక్షకులు ప్రశంసించటం చాలా అనందంగా ఉంది. ఈ సినిమా అవకాశం ఇచ్చిన సితార ఎంటర్టైన్మెంట్స్‌, నిర్మాత నాగవంశీ, చినబాబుకి కతజ్ఞతలు' అని హీరో బెల్లంకొండ గణేష్‌ చెప్పారు.
దర్శకుడు లక్ష్మణ్‌ కె. కష్ణ మాట్లాడుతూ,' మా చిత్రాన్ని ఘన విజయం చేసిన ప్రేక్షకులకు కతజ్ఞతలు. బెల్లం కొండ సురేష్‌ నాపై ఎంతో నమ్మకం ఉంచి, నన్ను మొదటి నుండి ఎంతో ప్రోత్సహించారు. మా నిర్మాతలు వంశీ అన్న, చినబాబుకి కతజ్ఞతలు. రిపీట్‌ ఆడియన్స్‌ వచ్చే సినిమా ఇది. సినిమా చూసిన ప్రేక్షకులు బాగా ఎంజారు చేస్తున్నారు. మళ్ళీ మళ్ళీ చూస్తున్నారు. ఇంత పెద్ద సక్సెస్‌ ఇచ్చిన ప్రేక్షకులు ధన్యవాదాలు' అని అన్నారు.
