శ్రీ సూర్య మూవీస్‌ క్రియేషన్స్‌ పతాకంపై సిద్‌ స్వరూప్‌, కార్తికేయ రెడ్డి, ఇందు ప్రియ, ప్రియ వల్లబి నటీనటులుగా తెరకెక్కిన చిత్రం 'దోస్తాన్‌'. సూర్యనారాయణ అక్కమ్మ స్వీయ దర్శకత్వంలో రూపొందిన చిత్రమిది. ఈ చిత్ర ఫస్ట్‌ లుక్‌ పోస్టర్‌ను ఆరోగ్య శాఖా మంత్రి హరీష్‌ రావు ఆవిష్కరించారు. ఈ సందర్భంగా ఆయన మాట్లాడుతూ, 'సినిమా ఫస్ట్‌ లుక్‌ పోస్టర్‌ చూస్తుంటే మంచి కాన్సెప్ట్‌ ఉన్న కథను సెలెక్ట్‌ చేసుకుని తీశారనిపిస్తుంది. ఈ సినిమా బిగ్‌ హిట్‌ అవ్వాలి' అని తెలిపారు. 'సిద్‌ స్వరూప్‌ అందించిన కథ నచ్చడంతో ఈ సినిమా చేశాను. తుని, లంబసింగి, తలకోన, వరంగల్, హైదరాబాద్, వైజాగ్‌, కాకినాడ పోర్ట్‌ తదితర ప్రదేశాల్లో షూటింగ్‌ చేశాం. అందరూ ఫుల్‌ సపోర్ట్‌ చేయడంతో సినిమా చాలా బాగా వచ్చింది. పోస్ట్‌ ప్రొడక్షన్‌ కార్యక్రమాలు పూర్తి చేసుకున్న ఈ చిత్రానికి ప్రస్తుతం సెన్సార్‌ కార్యక్రమాలు నిర్వహిస్తున్నాం. త్వరలోనే మా సినిమాని ప్రేక్షకుల ముందుకు తీసుకొస్తాం' అని దర్శక, నిర్మాత సూర్యనారాయణ అక్కమ్మ చెప్పారు.
నటుడు సిద్‌ స్వరూప్‌ మాట్లాడుతూ, 'మంచి కాన్సెప్ట్‌తో వస్తున్న ఈ చిత్రంలో నటించే అవకాశం కల్పించిన దర్శక, నిర్మాత సూర్యనారాయణ అక్కమ్మకి కృతజ్ఞతలు' అని తెలిపారు.
