పృధ్వి క్రియేషన్స్‌, మిలియన్‌ డ్రీమ్స్‌ క్రియేషన్స్‌ బ్యానర్లపై అభిరామ్‌ వర్మ , సాత్వికా రాజ్‌ హీరో, హీరోయిన్లుగా తెరకెక్కిన చిత్రం 'నీతో'. బాలు శర్మ దర్శకత్వంలో ఏవీఆర్‌ స్వామి, కీర్తన, స్నేహల్‌ జంజాల నిర్మించారు. అన్ని కార్యక్రమాలు పూర్తి చేసుకుని నేడు (శుక్రవారం) ఈ సినిమా గ్రాండ్‌గా ప్రేక్షకుల ముందుకు రానుంది. ఈ సందర్బంగా చిత్రం యూనిట్‌ ప్రీ రిలీజ్‌ ఈవెంట్‌ను ఏర్పాటు చేసింది.
ఈ కార్యక్రమానికి ముఖ్య అతిథులుగా నిర్మాత రాజ్‌ కందుకూరి, హీరో శివ కందుకూరి, నటుడు శివ, ఐ.ఏ.ఎస్‌ సురేష్‌ బాబుతో పాటు చిత్ర యూనిట్‌ పాల్గొంది.
ఈ సందర్భంగా నిర్మాత స్నేహాల్‌ మాట్లాడుతూ, 'ఇదొక ఫ్రెష్‌ లవ్‌ స్టోరీ. 'ఆనంద్‌' లాంటి మంచి లవ్‌ స్టోరీని దర్శకుడు చాలా బాగా తెరకెక్కించాడు. వివేక్‌ సాగర్‌ అద్భుతమైన మ్యూజిక్ ఇచ్చాడు. చిత్ర యూనిట్‌ అందరూ ఫుల్‌ సపోర్ట్‌ చేయడంతో సినిమా బాగా వచ్చింది. మా సినిమా అందరికీ కచ్చితంగా నచ్చుతుంది' అని చెప్పారు.
'డిఫరెంట్‌ కంటెంట్‌ ఉన్న సినిమా ఇది. మేం తీసిన కథను నమ్మి, సినిమాను రిలీజ్‌ చేయడానికి ముందుకు వచ్చిన పి.వి.ఆర్‌ ఉదరుకి ధన్యవాదాలు' అని మరో నిర్మాత ఏవీఆర్‌ స్వామి తెలిపారు. దర్శకుడు బాలు శర్మ మాట్లాడుతూ, 'యూత్‌ ఆడియన్స్‌ మెచ్చే డిఫరెంట్‌ కంటెంట్‌తో వస్తున్న ఈ సినిమా ట్రైలర్‌ యూత్‌కి బాగా కనెక్ట్‌ అయ్యింది. ఉన్నత నిర్మాణ విలువలతో తెరకెక్కిన ఈ చిత్రం తప్పకుండా విజయం సాధిస్తుందనే నమ్మకంతో ఉన్నాం' అని అన్నారు.
హీరో అభిరామ్‌ వర్మ మాట్లాడుతూ, 'ఇంతముందు నేను చేసిన సినిమాల ద్వారా లవ్‌ స్టోరీలకు నేను పనికి రాను అనడంతో మంచి లవ్‌ స్టోరీలో యాక్ట్‌ చేయాలనే కసి పెరిగింది. ఇప్పుడు వస్తున్న సినిమాలకు భిన్నంగా ఉండే మంచి లవ్‌ సబ్జెక్టును దర్శకుడు బాలుశర్మ చెప్పడంతో ఈ సినిమా చేశాను. ఆయన ఈ సినిమాకోసం చాలా కష్టపడ్డాడు. నిర్మాతల సపోర్ట్‌ లేకపోతే ఈ సినిమా ఇంత బాగా వచ్చేది కాదు. మంచి కాన్సెప్ట్‌తో వస్తున్న మా సినిమా ప్రేక్షకులందరికీ తప్పకుండా నచ్చుతుంది' అని చెప్పారు. 'చాలా లవ్‌ స్టోరీలు ఉన్నాయి. కానీ ఇప్పుడు ఒక ఫ్రెష్‌ అండ్‌ న్యూ లవ్‌ స్టోరీ రావాలంటే కష్టం.హొఈ కథ విన్నప్పుడు నాకు చాలా బాగా నచ్చింది. అభిరామ్‌ మంచి సపోర్టివ్‌ యాక్టర్‌. కొన్ని సీన్స్‌ తీసినప్పుడు, షాట్స్‌లో రియాక్షన్స్‌లో, డైలాగ్స్‌ విషయంలో తనతో పాటు యూనిట్‌ అందరూ ఫుల్‌ సపోర్ట్‌ చేశారు. ఈ సినిమా మాకు మంచి పేరు తెస్తుందని అశిస్తున్నాను' అని హీరోయిన్‌ సాత్వికా రాజ్‌ తెలిపారు.
