ప్రియాంక డే టైటిల్‌ రోల్‌లో సాయి తేజ గంజి, థన్వీర్‌, శివ గంగా, ఆకాష్‌ లాల్‌, వశిష్ణ నారాయణ, అభినవ్‌, శ్రేష్ట ప్రధాన పాత్రల్లో తెరకెక్కిన చిత్రం 'హసీన' . ఈ సినిమాను ఎస్‌. రాజశేఖర్‌ రెడ్డి, తన్వీర్‌ ఎండీ సంయుక్తంగా నిర్మిస్తున్నారు. టెక్నికల్‌ క్రైమ్‌ థ్రిల్లర్‌గా రాబోతున్న ఈ చిత్రానికి నవీన్‌ ఇరగాని దర్శకత్వం వహిస్తున్నారు. పింటు శుభం ప్రొడక్షన్‌ మేనేజర్‌గా పని చేస్తున్నారు. ప్రస్తుతం పోస్ట్‌ ప్రొడక్షన్‌ పనులు శరవేగంగా జరుగుతున్నాయి. చిత్ర ప్రమోషన్స్‌లో భాగంగా తాజాగా ఈ సినిమా టీజర్‌ని హీరో అడవిశేష్‌ రిలీజ్‌ చేశారు.
'ఒక నిమిషం 41 సెకనుల నిడివితో ఉన్న ఈ టీజర్‌ ఆద్యంతం ఆకట్టుకుంటోంది. సగటు ప్రేక్షకుడు కనెక్ట్‌ అయ్యేలా ఈ టీజర్‌ని కట్‌ చేశారు. స్నేహితులు చివరిదాకా వెంటే ఉంటారు కానీ అన్ని సమయాల్లో మాత్రం కాదు అనే కాన్సెప్ట్‌ తీసుకుని ఈ సినిమాను రూపొందించారు. యూత్‌ ఆడియన్స్‌ని థ్రిల్‌ చేసే సన్నివేశాలతో ఈ టీజర్‌ అలరిస్తోంది.ఇక చివరగా.. నా పేరు హసీనా.. నా కథ మీకు అర్థం కావాలంటే మీరు మందైనా తాగి ఉండాలి లేక మేధావి అయినా అయి ఉండాలి అని చెప్పిన డైలాగ్‌ సినిమాపై మరింత ఆసక్తి పెంచింది' అని చిత్ర బృందం తెలిపింది.
ఈ టీజర్‌ గురించి హీరో అడవిశేష్‌ మాట్లాడుతూ,''హసీనా' అనేది హీరోయిన్‌ ఓరియెంటెడ్‌ సినిమా. 84 మంది కొత్త నటీనటులతో ఈ సినిమాని రూపొందించడం విశేషం. టీజర్‌ చాలా బాగా వచ్చింది. ఈ చిత్రం సూపర్‌ సక్సెస్‌ సాధించాలని ఆశిస్తున్నాను' అని చెప్పారు. ఇప్పటికే ఈ చిత్రం నుంచి రాహుల్‌ సిప్లిగంజ్‌ ఆలపించిన పాటను హీరో నిఖిల్‌ రిలీజ్‌ చేశారు. ఈ పాటకి కూడా ఆడియన్స్‌ నుంచి మంచి రెస్పాన్స్‌ వచ్చింది. ఈ క్రమంలోనే తాజాగా విడుదల చేసిన టీజర్‌ సినిమాపై ఆసక్తిని పెంచుతూ మరిన్ని అంచనాలను క్రియేట్‌ చేసింది. అతిత్వరలో ఈ సినిమాకు సంబంధించి రిలీజ్‌ డేట్‌, మరిన్ని వివరాలను మేకర్స్‌ ప్రకటించనున్నారు. ఈ చిత్రానికి లైన్‌ ప్రొడ్యూసర్‌ : సాయి తేజ గంజి, మ్యూజిక్ : షారుక్‌ షేక్‌, ఎడిటర్‌ : హరీష్‌ కృష్ణ (చంటి), సినిమాటోగ్రాఫర్‌: రామ్‌ కంద.
