చిరంజీవి, డైరెక్టర్‌ బాబీ (కెఎస్‌ రవీంద్ర), మైత్రీ మూవీ మేకర్స్‌ క్రేజీ కాంబినేషన్‌లో ఓ సినిమా రూపుదిద్దుకుంటోంది. మెగా154 వర్కింగ్‌ టైటిల్‌ ఉన్న ఈ చిత్రానికి సంబంధించిన షూటింగ్‌ హైదరాబాద్‌లో జరుగుతోంది. ప్రస్తుతం ఓ యాక్షన్‌ సీక్వెన్స్‌ని చిత్రీకరిస్తున్నారు. హీరో రవితేజ ఈ చిత్రంలో పవర్‌ ఫుల్‌ రోల్‌ పోషిస్తున్నారు.
శుక్రవారం నుండి డబ్బింగ్‌ ప్రారంభమైంది. 2023 సంక్రాంతికి సినిమా విడుదల కానున్న నేపథ్యంలో షెడ్యూల్స్‌ ప్రకారం పనులు శరవేగంగా జరుగుతున్నాయి. అలాగే 'మెగా154' టైటిల్‌ టీజర్‌ అప్డేట్‌ కూడా వచ్చింది. దీపావళి కానుకగా టైటిల్‌ టీజర్‌ విడుదల కానుంది. సంగీత దర్శకుడు దేవిశ్రీ ప్రసాద్‌ ట్వీట్‌ చేస్తూ, 'బాబీకి అభినందనలు . మీ కల నిజం కాబోతుంది. దీపావళికి బాస్‌ ఎగ్జైటింగ్‌ టీజర్‌. నేను బ్యాక్‌ గ్రౌండ్‌ స్కోర్‌ పూర్తి చేసాను. మీ అందరితో కలిసి మెగా మాస్‌ ఎంటర్‌టైనర్‌ను థియేటర్లలో చూడటానికి సంక్రాంతి వరకు ఆగలేకపోతున్నా' అని పేర్కొన్నారు. అన్ని కమర్షియల్‌ హంగులతో మాస్‌ యాక్షన్‌ ఎంటర్‌టైనర్‌గా తెరకెక్కుతున్న ఈ చిత్రంలో చిరంజీవి సరసన శతి హాసన్‌ కథానాయికగా నటిస్తోంది. నవీన్‌ యెర్నేని, వై రవిశంకర్‌ ఈ చిత్రాన్ని నిర్మిస్తుండగా, జికె మోహన్‌ సహ నిర్మాతగా వ్యవహరిస్తున్నారు. ఈ సినిమా కోసం ప్రముఖ నటీనటులు, అత్యున్నత స్థాయి సాంకేతిక నిపుణులు పని చేస్తున్నారు. ఈ చిత్రానికి బాబీ కథ, మాటలు రాయగా, కోన వెంకట్‌, కె.చక్రవర్తి రెడ్డి స్క్రీన్‌ప్లే అందిస్తున్నారు. రైటింగ్‌ డిపార్ట్‌మెంట్‌లో హరి మోహన కృష్ణ, వినీత్‌ పొట్లూరి కూడా పనిచేస్తున్నారు. ఈ చిత్రానికి సంగీతం : దేవి శ్రీ ప్రసాద్‌, డీవోపీ: ఆర్థర్‌ ఎ విల్సన్‌, ఎడిటర్‌: నిరంజన్‌ దేవరమానే, ప్రొడక్షన్‌ డిజైనర్‌: ఏఎస్‌ ప్రకాష్‌, సహ నిర్మాతలు: జీకే మోహన్‌, ప్రవీణ్‌ ఎం, సిఈవో: చెర్రీ, కాస్ట్యూమ్‌ డిజైనర్‌: సుస్మిత కొణిదెల, లైన్‌ ప్రొడ్యూసర్‌: బాలసుబ్రహ్మణ్యం కె.వి.వి.
