శివకార్తికేయన్‌ కథానాయకుడిగా, అనుదీప్‌ కెవి దర్శకత్వంలో తెలుగు, తమిళ భాషలలో ఏకకాలంలో తెరకెక్కుతున్న కంప్లీట్‌ ఎంటర్‌టైనర్‌ 'ప్రిన్స్‌'. ఈ నెల 21న ప్రపంచవ్యాప్తంగా విడుదల కానుంది.
శివకార్తికేయన్‌ సరసన మారియా ర్యాబోషప్క కథానాయికగా నటిస్తున్న ఈ చిత్రంలోని 'బింబిలిక్కి పిలాపి', 'జెస్సికా..' పాటలు చార్ట్‌బస్టర్‌గా నిలిచాయి. తాజాగా ఈ చిత్రం నుండి 'హూ యామ్‌ ఐ' పాటని విడుదల చేశారు. సంగీత దర్శకుడు తమన్‌ ఈ పాటని తనదైన స్టయిల్‌ డ్యాన్స్‌ నెంబర్‌గా కంపోజ్‌ చేశారు. శివకార్తికేయన్‌ ఈ పాటకు చేసిన డ్యాన్స్‌ మూమెంట్స్‌ మెస్మరైజ్‌ చేస్తున్నాయి. డింకర్‌ కల్వల ఎనర్జిటిక్‌గా పాడగా, రామజోగయ్య శాస్త్రి అందించిన సాహిత్యం అందర్నీ విశేషంగా ఆకట్టుకుంటోంది. ఇన్‌స్టంట్‌ హిట్‌గా ఈ పాట 'ప్రిన్స్‌' ఆల్బమ్‌లో మరో చార్ట్‌బస్టర్‌గా నిలిచింది.
నారాయణ్‌ దాస్‌ నారంగ్‌ ఆశీస్సులతో సునీల్‌ నారంగ్‌, డి.సురేష్‌ బాబు, పుస్కుర్‌ రామ్‌ మోహన్‌ రావు సంయుక్తంగా శ్రీ వెంకటేశ్వర సినిమాస్‌ ఎల్‌ ఎల్‌ పి, సురేష్‌ ప్రొడక్షన్స్‌, శాంతి టాకీస్‌ బ్యానర్లపై ఈ చిత్రాన్ని నిర్మిస్తుండగా, సోనాలి నారంగ్‌ సమర్పిస్తున్నారు.
