మధ్య తరగతికి చెందిన ఓ అమ్మాయి తన తెలివితేటలతో ప్రపంచస్థాయి గుర్తింపు ఎలా తెచ్చుకుంది? అనే కథాంశంతో 'ఐక్యూ' సినిమా తెరకెక్కుతోంది. కాలేజ్‌ నేపథ్యంలో తెరకెక్కుతున్న ఈ చిత్రంలో కాయగూరల సాయిశరణ్‌, పల్లవి, ట్రాన్సీ హీరో, హీరోయిన్లు. శ్రీనివాస్‌ జిఎల్‌బి దర్శకుడు. కాయగూరల లక్ష్మీపతి నిర్మిస్తున్నారు. ఇప్పటికే షూటింగ్‌తోపాటు డబ్బింగ్‌ కూడా పూర్తి చేశారు. ప్రస్తుతం రీ-రికార్డింగ్‌ జరుపుతున్నారు. ఈ చిత్రంలోని పాటలను ఇదేవారంలో విడుదల చేసేందుకు సన్నాహాలు చేస్తున్నట్టు నిర్మాత లక్ష్మీపతి తెలిపారు.
'ఈ సినిమా చిత్రీకరణ హైదరాబాద్, అనంతపూర్‌లో జరిగింది. ఈ సినిమా టీజర్‌, ఫస్ట్‌లుక్‌, పోస్టర్‌ ఇప్పటికే విడుదల చేశాం. నవంబర్‌లో సినిమాని విడుదల చేస్తాం.ఈ సినిమా చూసిన యువతకు ప్రేరణ కలిగించే అంశాలు ఇందులో ఉన్నాయి' అని దర్శకుడు శ్రీనివాస్‌ జిఎల్‌బి చెప్పారు. సుమన్‌, సత్యప్రకాష్‌, సూర్య, గీతాసింగ్‌, బెనర్జీ తదితరులు నటిస్తున్న ఈ చిత్రానికి కథ, మాటలు, సంగీతం: ఘటికాచలం, ఛాయాగ్రహణం: టి.సురేంద్రరెడ్డి.
