ఆది సాయికుమార్‌ కథానాయకుడిగా నిర్మాత కె.కె.రాధామోహన్‌ శ్రీ సత్యసాయి ఆర్ట్స్‌ పతాకంపై నిర్మించిన చిత్రం 'క్రేజీ ఫెలో'. ఫణి కృష్ణ సిరికి దర్శకత్వం వహించారు. దిగంగన సూర్యవంశి, మిర్నా మీనన్‌ కథానాయికలు. ఈనెల 14న విడుదలైన ఈ చిత్రం బ్లాక్‌బస్టర్‌ విజయాన్ని అందుకుంది.
ఈ నేపథ్యంలో నిర్వహించిన సక్సెస్‌మీట్‌లో హీరో ఆది సాయికుమార్‌ మాట్లాడుతూ, 'మా చిత్రానికి అన్ని చోట్ల నుండి అద్భుతమైన రెస్పాన్స్‌ వస్తోంది. ప్రేక్షకులు చాలా బాగా ఎంజారు చేస్తున్నారు. మంచి రివ్యూలు వస్తున్నాయి. మౌత్‌ టాక్‌ అద్భుతంగా ఉంది. నిర్మాత రాధమోహన్‌ ఎక్కడా రాజీ పడకుండా తీశారు. దర్శకుడు ఫణి కృష్ణ కథని చాలా ప్రేమించి ఈ సినిమా తీశారు. డీవోపీ సతీష్‌ ముత్యాల, మ్యూజిక్ డైరెక్టర్‌ ధ్రువన్‌.. ఇలా అందరూ మంచి వర్క్‌ ఇచ్చారు. దిగంగన సూర్యవంశి, మిర్నా మీనన్‌ పాత్రలు చక్కగా చేశారు. నర్రా శ్రీనివాస్‌, సప్తగిరి, ప్రమోదిని, అనీష్‌ కురివిల్లా .. అందరితో కలిసి ఈ సినిమాలో నటించడం ఆనందంగా ఉంది. ఒక మంచి సినిమా చేశాం. ప్రేక్షకులు థియేటర్‌కి వచ్చి, చూసి మమ్మల్ని ఆశీర్వదించాలి' అని అన్నారు.
'ఈ సినిమా నాకు చాలా ప్రత్యేకమైనది. హీరో ఆదితో పని చేయడం అనందంగా ఉంది. ఆయన చాలా ఎనర్జిటిక్‌ యాక్టర్‌. దర్శకుడు ఫణి చాలా క్లారిటీ ఉన్న దర్శకుడు. సినిమాని ఆదరిస్తున్న ప్రేక్షకులకు కృతజ్ఞతలు' అని నాయిక దిగంగన సూర్యవంశి చెప్పారు.
మరో నాయిక మిర్నా మీనన్‌ మాట్లాడుతూ, 'ఈ చిత్రంలో నటించే అవకాశం ఇచ్చిన దర్శక, నిర్మాతలకు కృతజ్ఞతలు. చాలా మంచి పాత్ర ఇచ్చారు. నా పాత్రకు ప్రేక్షకుల నుండి మంచి ఆదరణ వస్తోంది' అని అన్నారు. 'ఈ సినిమా కోసం మంచి టీం వర్క్‌ చేశాం. ఈ విజయం అందరి సమిష్టి కృషి. మా సినిమా ప్రేక్షకుల అభిమానం పొందడం చాలా అనందంగా ఉంది. ఇదొక క్లీన్‌ ఫ్యామిలీ ఎంటర్టైనర్‌. అందరూ హాయిగా థియేటర్‌లో ఎంజారు చేసే సినిమా ఇది. మా బ్యానర్‌ ద్వారా ఆదికి మంచి సక్సెస్‌ ఇచ్చినందుకు సంతోషంగా ఉంది. దిగంగన సూర్యవంశి, మిర్నా మీనన్‌ చక్కగా నటించారు. ఫణి కృష్ణ ఈ సినిమాతో తన ప్రతిభ చాటుకున్నారు' అని నిర్మాత కె.కె.రాధామోహన్‌ తెలిపారు.
దర్శకుడు ఫణి కృష్ణ మాట్లాడుతూ, 'మంచి సినిమా వస్తే ప్రేక్షకులు థియేటర్‌కి వస్తారని మా సినిమాతో మరోసారి రుజువు చేసిన ప్రేక్షకులకు కృతజ్ఞతలు. మార్నింగ్‌, ఈవినింగ్‌ షోకి మంచి గ్రోత్‌ ఉంది. నాకు అవకాశం ఇచ్చిన నిర్మాత రాధమోహన్‌, హీరో ఆదికి కృతజ్ఞతలు. సినిమా కోసం పని చేసిన అందరికీ, అలాగే సినిమాకి మంచి విజయాన్ని ఇచ్చిన ప్రేక్షకులకు మనస్ఫూర్తిగా ధన్యవాదాలు' అని అన్నారు.
