హీరో కార్తి, 'అభిమన్యుడు' ఫేమ్‌ దర్శకుడు పిఎస్‌ మిత్రన్‌ కాంబినేషన్‌లో రూపొందిన చిత్రం 'సర్దార్‌'. ఇప్పటికే రిలీజ్‌ చేసిన టీజర్‌తో సినిమాపై అంచనాలు పెరిగాయి. నిర్మాతలు తాజాగా థియేట్రికల్‌ ట్రైలర్‌ను విడుదల చేశారు. 'కార్తిని మారువేషంలో సర్దార్‌గా, పబ్లిసిటీ క్రేజ్‌ ఉన్న ఇన్‌స్పెక్టర్‌ విజరు ప్రకాష్‌గా ద్విపాత్రాభినయంలో పరిచయం చేస్తూ ట్రైలర్‌ ప్రారంభమవుతుంది. సైనిక సమాచారం ఉన్న ఒక సీక్రెట్‌ ఫైల్‌ మిస్‌ అవుతుంది. రా, సిబిఐతో సహా ప్రతి ఒక్కరూ దాని కోసమే వెతుకుతుంటారు. చివరిగా అది ఎవరికీ చిక్కింది?, అందులో ఉన్న రహస్యాలు ఏమిటనేది ఇందులో కథాంశమని ట్రైలర్‌ చూస్తే అర్థమవుతుంది. పిఎస్‌ మిత్రన్‌ అద్భుత కథనం, డివోపీ జార్జ్‌ సి విలియమ్స్‌ బ్రిలియంట్‌ విజువల్స్‌, జివి ప్రకాష్‌ కుమార్‌ అవుట్‌ స్టాండింగ్‌ లైవ్‌ స్కోర్‌తో ట్రైలర్‌ ఆద్యంతం ఆకట్టుకుంటోంది. కార్తి పాత్ర, అభినయం ఎక్స్‌టార్డినరీగా ఉంది. విభిన్న షేడ్స్‌ ఉన్న ఈ పాత్రను అద్భుతంగా పోషించాడు. రాశిఖన్నా, రజిషా విజయన్‌, లైలా కూడా ట్రైలర్‌లో కనిపించి అంచనాలు పెంచారు. ప్రిన్స్‌ పిక్చర్స్‌ బ్యానర్‌పై ఎస్‌ లక్ష్మణ్‌ కుమార్‌ ఈ చిత్రాన్ని నిర్మిస్తున్నారు. అక్కినేని నాగార్జున అన్నపూర్ణ స్టూడియోస్‌ ఈ చిత్రాన్ని తెలుగు రాష్ట్రాల్లో విడుదల చేయనుంది. దీపావళి కానుకగా ఈనెల 21న ఈ చిత్రం తెలుగు, తమిళ భాషల్లో విడుదల కానుంది' అని చిత్ర బృందం తెలిపింది.
చుంకీ పాండే, మునిష్కాంత్‌, అశ్విన్‌, యోగ్‌ జాపి, నిమ్మి, బాలాజీ శక్తివేల్‌, ఎలవరసు తదితరులు నటిస్తున్న ఈ చిత్రానికి నిర్మాత: ఎస్‌. లక్ష్మణ్‌ కుమార్‌,
ఎడిటర్‌: రూబెన్‌, స్టంట్స్‌: దిలీప్‌ సుబ్బరాయన్‌, ఆర్ట్‌: కతీర్‌.
