తేజ దర్శకత్వం వహిస్తున్న తాజా చిత్రం 'అహింస'. అభిరామ్‌ అరంగేట్రం చేస్తున్న యూత్‌ ఫుల్‌ లవ్‌, యాక్షన్‌ ఎంటర్‌టైనర్‌ ఇది. ఆనంది ఆర్ట్‌ క్రియేషన్స్‌ బ్యానర్‌పై పి.కిరణ్‌ ఈ చిత్రాన్ని నిర్మిస్తున్నారు. ఇప్పటికే విడుదలైన టీజర్‌, ఫస్ట్‌ సింగిల్‌, ప్రమోషనల్‌ మెటీరియల్‌ సినిమాపై చాలా క్యూరియాసిటీని పెంచాయి.
'తాజాగా ఈ చిత్రం నుండి 'కమ్మగుంటదే' పాటని యువ కథానాయకుడు నాని రిలీజ్‌ చేశారు. ఆర్పీ పట్నాయక్‌ ఈ పాటని అందమైన జానపద మెలోడి స్టయిల్‌లో కంపోజ్‌ చేశారు. వినగానే మనసుని ఆకట్టుకునేలా ఉందీ పాట. ఈ పాటలో అభిరామ్‌, గీతికల కెమిస్ట్రీ చూడముచ్చటగా ఉంది. కాల భైరవ, కీర్తన శ్రీనివాస్‌ ఈ పాటని లవ్లీగా ఆలపించారు. చంద్రబోస్‌ అందించిన సాహిత్యం ప్రధాన ఆకర్షణగా నిలిచింది. ఫస్ట్‌ సింగిల్‌ 'నీతోనే నీతోనే' ఇప్పటికే చార్ట్‌ బస్టర్‌గా నిలిచింది. ఇప్పుడు'కమ్మగుంటదే' పాట కూడా ఫోక్‌ చార్ట్‌ బస్టర్‌గా అందర్నీ అలరిస్తోంది.ఈ చిత్రం త్వరలోనే థియేటర్లో గ్రాండ్‌గా విడుదల కానుంది' అని చిత్ర బృందం తెలిపింది.
అభిరామ్‌, గీతిక, రజత్‌ బేడీ, సాధా, రవి కాలే, కమల్‌ కామరాజు, మనోజ్‌ టైగర్‌, కల్పలత, దేవి ప్రసాద్‌ తదితరులు నటిస్తున్న ఈ చిత్రానికి కథ, స్క్రీన్‌ప్లే, దర్శకత్వం: తేజ, డీవోపీ : సమీర్‌ రెడ్డి, ఎడిటర్‌: కోటగిరి వెంకటేశ్వరరావు, డైలాగ్స్‌: అనిల్‌ అచ్చుగట్ల, సాహిత్యం: చంద్రబోస్‌, ఆర్ట్‌: సుప్రియ, యాక్షన్‌ డైరెక్టర్‌: బివి రమణ, ఫైట్స్‌: రియల్‌ సతీష్‌, కొరియోగ్రఫీ: శంకర్‌, సిజి: నిఖిల్‌ కోడూరి.
