నందమూరి బాలకష్ణ, గోపీచంద్‌ మలినేని కాంబినేషన్‌లో ఓ సినిమా రూపొందుతున్న విషయం తెలిసిందే. ఎన్‌బికె107 వర్కింగ్‌ టైటిల్‌తో తెరకెక్కుతున్న ఈ సినిమా కోసం ప్రేక్షకులు, బాలకృష్ణ అభిమానులు ఎంతగానో ఎదురు చూస్తున్నారు. ఫస్ట్‌లుక్‌, టీజర్‌కి వచ్చిన ట్రెమండస్‌ రెస్పాన్స్‌తో సినిమాపై అంచనాలు మరింత భారీగా పెరిగాయి. ఈ సినిమా షూటింగ్‌ ప్రస్తుతం హైదరాబాద్‌లోని ఆర్‌ఎఫ్‌సిలో ఏకధాటిగా జరుగుతోంది.
ఆదివారం ఈ సినిమా నుండి బిగ్‌ అప్డేట్‌ వచ్చింది. ఎన్‌బికె 107 టైటిల్‌ని దీపావళి కానుకగా ఈనెల 21న ఎనౌన్స్‌ చేయబోతున్నారు. ఇప్పటికే సోషల్‌ మీడియా ప్లాట్‌ఫామ్స్‌లో కొన్ని టైటిల్స్‌ హల్‌చల్‌ చేస్తున్నాయి. అయితే మేకర్స్‌ ఖరారు చేసిన అసలు టైటిల్‌ ఏంటో మరో ఐదు రోజుల్లో తెలియనుంది. శ్రుతి హాసన్‌ కథానాయికగా నటిస్తున్న ఈ చిత్రంలో దునియా విజరు, వరలక్ష్మి శరత్‌కుమార్‌ కీలక పాత్రలు పోషిస్తున్నారు.బాలకష్ణ, గోపీచంద్‌ మలినేని చిత్రాలకు బ్లాక్‌ బస్టర్‌ ఆల్బమ్‌లను అందించిన సంగీత సంచలనం తమన్‌ ఈ చిత్రానికీ సంగీతం అందిస్తున్నారు.
ఈ చిత్రానికి కథ, స్క్రీన్‌ప్లే , దర్శకత్వం: గోపీచంద్‌ మలినేని, నిర్మాతలు: నవీన్‌ యెర్నేని, వై రవిశంకర్‌, సంగీతం: తమన్‌, డివోపీ: రిషి పంజాబీ, ఎడిటర్‌: నవీన్‌ నూలి, ప్రొడక్షన్‌ డిజైనర్‌: ఏఎస్‌ ప్రకాష్‌, డైలాగ్స్‌: సాయి మాధవ్‌ బుర్రా, ఫైట్స్‌: రామ్‌-లక్ష్మణ్‌, సిఈవో: చిరంజీవి (చెర్రీ), ఎగ్జిక్యూటివ్‌ ప్రొడ్యూసర్‌: చందు రావిపాటి, లైన్‌ ప్రొడ్యూసర్‌: బాల సుబ్రమణ్యం కెవివి.