యువ కథానాయకుడు నాని నటిస్తున్న పాన్‌ ఇండియా చిత్రం 'దసరా'. కథానాయిక కీర్తి సురేష్‌ పుట్టినరోజు సందర్భంగా ఆమెను వెన్నెలగా పరిచయం చేస్తూ చిత్ర బృందం సోమవారం ఫస్ట్‌లుక్‌ను విడుదల చేసింది.
ఈ ఫస్ట్‌ లుక్‌ పోస్టర్‌లో కీర్తి సురేష్‌ అచ్చమైన పల్లెటూరి అమ్మాయిగా మెరిసింది. కొత్తపెళ్లి కూతురు ధరించే పసుపు చీరలో హుషారుగా డ్యాన్స్‌ చేస్తూ కనిపించిన కీర్తి సురేష్‌ 'దసరా'లో ఆమె పాత్రపై అంచనాలను పెంచింది.
శ్రీ లక్ష్మీ వెంకటేశ్వర సినిమాస్‌ బ్యానర్‌పై సుధాకర్‌ చెరుకూరి భారీ ఎత్తున నిర్మిస్తున్న ఈ సినిమాతో శ్రీకాంత్‌ ఓదెల దర్శకుడిగా పరిచయం అవుతున్నారు.
సముద్రఖని, సాయి కుమార్‌, జరీనా వహాబ్‌ కీలక పాత్రలలో కనిపించనున్న ఈ చిత్రానికి సత్యన్‌ సూర్యన్‌ సినిమాటోగ్రఫీ అందిస్తున్నారు. ఈ చిత్రం తెలుగు, తమిళం, కన్నడ, మలయాళం, హిందీ భాషల్లో 30 మార్చి, 2023న విడుదల కానుంది. ఈ చిత్రానికి దర్శకత్వం: శ్రీకాంత్‌ ఓదెల, నిర్మాత: సుధాకర్‌ చెరుకూరి, సంగీతం: సంతోష్‌ నారాయణన్‌, ఎడిటర్‌: నవీన్‌ నూలి, ప్రొడక్షన్‌ డిజైనర్‌: అవినాష్‌ కొల్లా, ఎగ్జిక్యూటివ్‌ ప్రొడ్యుసర్‌ : విజరు చాగంటి, ఫైట్స్‌: అన్బరివ్‌.
