మంచు విష్ణు, సన్నీ లియోన్‌, పాయల్‌ రాజ్‌పుత్‌ నటీనటులుగా ఈషాన్‌ సూర్య దర్శకత్వంలో రూపొందుతున్న చిత్రం 'జిన్నా'. అవా ఎంటర్‌టైన్‌మెంట్‌, 24 ఫ్రేమ్స్‌ ఫ్యాక్టరీ పతాకాలపై నిర్మిస్తున్న కమర్షియల్‌ ఎంటర్‌టైనర్‌ ఇది. ఈ చిత్రానికి రచయిత కోన వెంకట్‌ కథ, స్క్రీన్‌ప్లే అందిస్తున్నారు. అన్ని కార్యక్రమాలు పూర్తి చేసుకుని తెలుగు తమిళం, మలయాళం, హిందీ భాషల్లో ఈ నెల 21న గ్రాండ్‌గా ఈ సినిమా విడుదల కానుంది.
ఈ సందర్భంగా ఈ చిత్రంలో కీలక పాత్రలో నటిస్తున్న సన్నీలియోన్‌ మీడియాతో మాట్లాడుతూ, 'తెలుగులో పూర్తి స్థాయిలో నటిస్తున్న నా మొదటి చిత్రం ఇది. మెహన్‌ బాబు ప్రొడక్షన్‌ హౌస్‌లో మంచు విష్ణుతో నటించిన సైకాలజికల్‌ థ్రిల్లర్‌ ఇది. ఇలాంటి కథలు అంటే నాకు చాలా ఇష్టం. అందుకే ఈ కథ నచ్చి సినిమా చేశాను. ఇందులో నేను రేణుకగా డెఫ్‌, డమ్‌ పాత్రలో ఛాలెంజింగ్‌ రోల్‌ చేశాను. ఈ సినిమాలో మంచి స్టార్‌ కాస్ట్‌తో పాటు చాలా డిఫరెంట్‌ క్యారెక్టర్స్‌ ప్రేక్షకుల్ని విశేషంగా అలరిస్తాయి. విష్ణు చాలా ఎనర్జిటిక్‌ పర్సన్‌. తనతో యాక్టింగ్‌ చేయడం చాలా కంఫర్ట్‌గా ఉంటుంది. అలాగే పాయల్‌తో యాక్ట్‌ చేయడం చాలా సంతోషంగా అనిపించింది. హైదరాబాద్ బిర్యాని చాలా బాగుంది. ఇక్కడి ప్రేక్షకులు చక్కటి అభిమానం చూపుతారు. దర్శకుడు సూర్య తనకు ఏది కావాలో అది నా దగ్గర నుంచి రాబట్టుకున్నారు. ప్రస్తుతం నాలుగు ప్రాజెక్ట్స్‌ రెడీగా ఉన్నాయి. అవన్నీ కూడా డిఫరెంట్‌ ప్రాజెక్ట్స్‌. వీటిల్లో డి గ్లామర్‌ రోల్‌లో అనురాగ్‌ కశ్యప్‌తో హిందీలో ఒక సినిమా చేస్తున్నాను. మంచి కాన్సెప్ట్‌తో వస్తున్న 'జిన్నా' మాత్రం ప్రేక్షకులందరికీ కచ్చితంగా నచ్చుతుంది' అని తెలిపారు.
