సంజయ్‌ రావు హీరోగా మైక్‌ మూవీస్‌ నిర్మిస్తున్న కామికల్‌ ఎంటర్‌టైనర్‌ 'స్లమ్‌ డాగ్‌ హజ్బెండ్‌'. ప్రణవి మానుకొండ కథానాయిక. ఈ చిత్రంతో పూరీ జగన్నాథ్‌ శిష్యుడు డా|| ఏ.ఆర్‌.శ్రీధర్‌ దర్శకుడిగా పరిచయం అవుతున్నారు. అప్పిరెడ్డి, వెంకట్‌ అన్నపరెడ్డి నిర్మాతలు. చిత్రీకరణ తుది దశలో ఉందీ సినిమా. తాజాగా ఈ సినిమా నుంచి ఫ్రస్టేషన్‌ సాంగ్‌ను దర్శకుడు అనిల్‌ రావిపూడి విడుదల చేశారు. పాట కాన్సెప్ట్‌ బాగుందన్న ఆయన మూవీ టీమ్‌కు బెస్ట్‌ విషెస్‌ తెలిపారు. 'ఇట్స్‌ ఏ మెడిటేషన్‌ సాంగ్‌ నహీ, ఇరిటేషన్‌ సాంగ్‌ నహీ, ఇట్‌ ఈజ్‌ ఫ్రస్టేషన్‌ సాంగ్‌..' ..అంటూ పూర్ణా చారి సాహిత్యాన్ని అందించగా, భీమ్స్‌ సిసిరోలియో స్వరపర్చి రాహుల్‌ సిప్లిగంజ్‌తో కలిసి పాడారు. పెళ్లితో వచ్చే ఫ్రస్టేషన్‌ను చెబుతూ ఈ పాటని డిజైన్‌ చేశారు. ఈ పాటలో సునీల్‌ స్పెషల్‌ అప్పీయరెన్స్‌ అందర్నీ సర్‌ప్రైజ్‌ చేస్తుంది. ఛమ్మక్‌ చంద్ర, గుండు సుదర్శన్‌, ఫిష్‌ వెంకట్‌ తదితరులు ఇతర పాత్రల్లో నటిస్తున్న ఈ చిత్రానికి ఎడిటర్‌ : వైష్ణవ్‌ వాసు, సినిమాటోగ్రఫీ: శ్రీనివాస్‌ జె రెడ్డి, సాహిత్యం : కాసర్ల శ్యామ్‌, సురేష్‌ గంగుల, శ్రీనివాస్‌, పూర్ణా చారి, ఎగ్జిక్యూటివ్‌ ప్రొడ్యూసర్‌ :రమేష్‌ కైగురి, సహ నిర్మాతలు : చింతా మెర్వాన్‌, సీహెచ్‌ చైతన్య పెన్మత్స, నిహార్‌ దేవెళ్ల, ప్రకాష్‌ జిర్ర, రవళి గణేష్‌, సోహంరెడ్డి మన్నెం, రచన-దర్శకత్వం : డా|| ఏఆర్‌ శ్రీధర్‌.
