బాలకష్ణ, గోపీచంద్‌ మలినేని కాంబినేషన్‌లో ఓ భారీ యాక్షన్‌ ఎంటర్‌టైనర్‌ తెరకెక్కుతున్న విషయం తెలిసిందే. ఈ చిత్ర టైటిల్‌ లాంచ్‌ ఈ నెల 21న జరుగనుంది. ఈ వేడుకకు వేదికగా కర్నూల్‌ కొండా రెడ్డి బురుజును మేకర్స్‌ ఎంపిక చేశారు. టాలీవుడ్‌లో తొలిసారిగా కొండా రెడ్డి బురుజు వేదికగా వేడుక జరుపుకుంటున్న సినిమా ఇదే కావడం విశేషం. ఈనెల 21, సాయంత్రం 8:15 టైటిల్‌ లాంచ్‌కి ముహూర్తం ఖరారు చేశారు.
శ్రుతిహాసన్‌ కథానాయికగా నటిస్తున్న ఈ చిత్రంలో దునియా విజరు, వరలక్ష్మి శరత్‌కుమార్‌ కీలక పాత్రలు పోషిస్తున్నారు. బాలకష్ణ, గోపీచంద్‌ మలినేని చిత్రాలకు బ్లాక్‌ బస్టర్‌ ఆల్బమ్‌లను అందించిన తమన్‌ ఈ చిత్రానికి సంగీతం అందిస్తున్నారు. మైత్రీ మూవీ మేకర్స్‌ పతాకంపై నిర్మాతలు నవీన్‌ యెర్నేని, వై.రవిశంకర్‌ ఈ చిత్రాన్ని భారీగా నిర్మిస్తున్నారు. 'బాలకృష్ణ, గోపీచంద్‌ మలినేని కాంబోలో రూపొందుతున్న ఈ చిత్రంపై ఇప్పటికే అందరిలోనూ భారీ అంచనాలు నెలకొన్నాయి. ఆ అంచనాలకు దీటుగా సినిమా ఉంటుందని మేకర్స్‌ నమ్మకంతో ఉన్నారు' అని చిత్ర బృందం తెలిపింది.
ఈ చిత్రానికి కథ, స్క్రీన్‌ప్లే, దర్శకత్వం: గోపీచంద్‌ మలినేని, డివోపీ: రిషి పంజాబీ, ఎడిటర్‌: నవీన్‌ నూలి, ప్రొడక్షన్‌ డిజైనర్‌: ఏఎస్‌ ప్రకాష్‌, డైలాగ్స్‌: సాయి మాధవ్‌ బుర్రా, ఫైట్స్‌: రామ్‌-లక్ష్మణ్‌, ఎగ్జిక్యూటివ్‌ ప్రొడ్యూసర్‌: చందు రావిపాటి, లైన్‌ ప్రొడ్యూసర్‌: బాల సుబ్రమణ్యం కెవివి.
