ఓ ప్రయోగాత్మక కథను 'హలో మీరా' రూపంలో ప్రేక్షకుల ముందుకు తీసుకొస్తున్నారు దర్శకుడు కాకర్ల శ్రీనివాసు. ప్రముఖ దర్శకులు బాపుతో పలు సినిమాలకు సహ దర్శకునిగా పనిచేసిన ఆయన తన అనుభవంతో ఈ సినిమాని రూపొందిస్తున్నారు.
ఆసక్తికర కథ, కథనంతో ప్రేక్షకులను థ్రిల్‌ చేసేలా సింగిల్‌ క్యారెక్టర్‌తో ఈ సినిమా ఉండటం. విజయవాడ నుంచి హైదరాబాద్ ప్రయాణం..ఆ ఒక్కరోజులో చోటు చేసుకునే పరిణామాలను ఎంతో ఆసక్తికరంగా ఈ సినిమాలో చూపించబోతున్నారు. సింగిల్‌ క్యారెక్టర్‌తో డిఫరెంట్‌ ఎమోషన్స్‌ చూపిస్తూ ప్రేక్షకులను థ్రిల్‌ చేయడం అనే ఓ ఛాలెంజింగ్‌ సబ్జెక్ట్‌కు ప్రశాంత్‌ కొప్పినీడి అందించిన విజువల్స్‌ హైలైట్‌ కానున్నాయి. ఇప్పటికే ఈ సినిమా నుంచి విడుదల చేసిన ఫస్ట్‌ లుక్‌ పోస్టర్‌ ప్రేక్షకుల్లో మంచి ఆసక్తి నెలకొల్పింది. ప్రస్తుతం ఈ సినిమా పోస్ట్‌ ప్రొడక్షన్‌ పనులు చివరి దశకు చేరుకున్నాయి. అతి త్వరలో ఈ డిఫరెంట్‌ మూవీని గ్రాండ్‌గా రిలీజ్‌ చేయాలని ప్లాన్‌ మేకర్స్‌ ప్లాన్‌ చేస్తున్నారు. లూమియర్‌ సినిమా బ్యానర్‌పై జీవన్‌ కాకర్ల సమర్పణలో ఈ ప్రయోగాత్మక చిత్రాన్ని నిర్మిస్తున్నారు. చిత్రంలో మీరాగా గార్గేయి యల్లాప్రగడ నటించారు.
డా|| లక్ష్మణరావు దిక్కల, వరప్రసాదరావు దుంపల, పద్మ కాకర్ల నిర్మాతలుగా, అనంత శ్రీధర్‌ లైన్‌ ప్రొడ్యూసర్‌గా వ్యవహరించారు. ఈ చిత్రానికి మ్యూజిక్: ఎస్‌.చిన్న , పొడక్షన్‌ డిజైనర్‌: తిరుమల ఎం తిరుపతి, పాటలు: శ్రీ సాయి కిరణ్‌, మాటలు: హిరణ్మయి కళ్యాణ్‌, ఎడిటర్‌ : రాంబాబు మేడికొండ.
