కాయగూరల సాయిచరణ్‌, పల్లవి, ట్రాన్సీ హీరో, హీరోయిన్స్‌గా దర్శకుడు జి.ఎల్‌.బి శ్రీనివాస్‌ తెరకెక్కిస్తున్న వైవిధ్యభరిత చిత్రం 'ఐక్యూ' . కెఎల్పి మూవీస్‌ బ్యానర్‌ పై కాయగూరల లక్ష్మీపతి నిర్మిస్తున్న ఈ సినిమాలో కాయగూరల లక్ష్మీపతి, పల్లె రాఘనాథ్‌ రెడ్డి ప్రత్యేక పాత్రల్లో నటిస్తున్నారు. ఈమూవీ ఆడియో రిలీజ్‌ వేడుక ఘనంగా జరిగింది.
పోలూరు ఘటికా చలం సంగీతం అందించిన ఈ సినిమా బిగి సీడిని ఏపి మాజీ మంత్రి ఘంటా శ్రీనివాస్‌ లాంచ్‌ చేశారు.
ఈ సందర్భంగా నిర్మాత కాయగూరల లక్ష్మీపతి మాట్లాడుతూ, 'ఈ చిత్రాన్ని మంచి కథ, కథానాలతో ఎక్కడ కాంప్రమైజ్‌ కాకుండా నిర్మించాం. నవంబర్‌ చివరివారంలో రిలీజ్‌ చేస్తాం' అని అన్నారు.
'హీరో, హీరోయిన్లు కొత్తవారైన చాలా బాగా నటించారు. సుమన్‌, సత్య ప్రకాష్‌ బాగా సహకరించారు. ఇందులో మూడు పాటలు ఉన్నాయి..వాటికి ఘటికాచలం అద్భుతమైన ట్యూన్స్‌ ఇచ్చారు. యూత్‌కు బాగా నచ్చే సినిమా ఇది' అని దర్శకులు జిఎల్‌ బి శ్రీనివాస్‌ చెప్పారు. హీరో కాయగూరల సాయి చరణ్‌ మాట్లాడుతూ, 'మంచి సినిమాలో నటించినందుకు హ్యాపీగా ఉంది. ఒపిక ఉన్నంతకాలం కాదు ఊపిరి ఉన్నంత వరకు ప్రేక్షకులను ఎంటర్‌టైన్‌ చేస్తాను' అని అన్నారు.
