కర్నూలు కొండారెడ్డి బురుజు సాక్షిగా ప్రేక్షకులు, అభిమానులు ఎంతో ఆసక్తిగా ఎదురు చూస్తున్న బాలకృష్ణ కొత్త సినిమా టైటిల్‌ టీజర్‌ని త్రీడీ ఫార్మెట్‌లో ఎంతో వైభవంగా ఆవిష్కరించారు. ఈ చిత్రానికి 'వీరసింహారెడ్డి' అనే టైటిల్‌ని ఖరారు చేశారు.
టాలీవుడ్‌లో కొండా రెడ్డి బురుజు వేదికగా వేడుక జరుపుకున్న తొలి చిత్రంగా 'వీరసింహారెడ్డి' నిలిచిందని చిత్రయూనిట్‌ ఆనందం వ్యక్తం చేసింది. అలాగే బాలయ్య సినిమా టైటిల్స్‌లో 'సింహా' ఉన్న అని ఉన్న సినిమాలన్ని బిగ్గెస్ట్‌ బ్లాక్‌బస్టర్స్‌గా ఎలా నిలిచాయో, ఈ సినిమా కూడా అదే పంథాలో ఉంటుందని మేకర్స్‌ నమ్మకం వ్యక్తం చేశారు. బాలకృష్ణ, గోపీచంద్‌ మలినేని కాంబినేషన్‌లో తెరకెక్కుతున్న చిత్రమిది.
శ్రుతి హాసన్‌ కథానాయికగా నటిస్తున్న ఈ చిత్రానికి తమన్‌ సంగీతం అందిస్తు న్నారు. మైత్రీ మూవీ మేకర్స్‌ పతాకంపై నిర్మాతలు నవీన్‌ యెర్నేని, వై రవిశంకర్‌ భారీగా నిర్మిస్తున్న ఈచిత్రాన్ని వచ్చే ఏడాది సంక్రాంతి కానుకగా ప్రపంచ వ్యాప్తంగా విడుదల చేస్తున్నారు.
