ఎస్‌ఎల్‌ఎస్‌ మూవీస్‌ నిర్మాణ సంస్ణలో రంజిత్‌, సౌమ్య మీనన్‌ హీరో హీరోయిన్స్‌గా తెరకెక్కుతున్న చిత్రం 'లెహరాయి'. రామకృష్ణ పరమహంసను దర్శకుడిగా పరిచయం చేస్తూ మద్దిరెడ్డి శ్రీనివాస్‌ ఈ చిత్రాన్ని నిర్మిస్తున్నారు. ఇందులో 'ధర్మపురి' ఫేం గగన్‌ విహారి, రావు రమేష్‌, సీనియర్‌ నరేష్‌, అలీ తదితరులు ఇతర కీలక పాత్రల్లో నటిస్తున్నారు.
ఈ సందర్భంగా దర్శకుడు రామకృష్ణ పరమహంస మాట్లాడుతూ, ''ఈ చిత్ర టైటిల్‌ చాలా ఫేమస్‌ కావటం విశేషం. ఇదివరకే ఈ చిత్రం నుంచి రిలీజైన టీజర్‌కు విశేష స్పందన లభించింది. ఇక సంగీత దర్శకుడు ఘంటాడి కృష్ణ ఈ చిత్రంతో జీకే ఈజ్‌ బ్యాక్‌ అన్నట్టు సెకండ్‌ ఇన్నింగ్స్‌ స్టార్ట్‌ చేశారు. ఇటీవల విడుదలైన 'గుప్పెడంత...' సాంగ్‌ మిలియన్‌ వ్యూస్‌ తెచ్చుకుంది. ఈ సక్సెస్‌ను పురస్కరించుకుని ఈ చిత్రం నుండి 'నువ్వు వందసార్లు వద్దన్న' అనే మరో సాంగ్‌ను కూడా మేకర్స్‌ రిలీజ్‌ చేశారు. దర్శకుడు మెహర్‌ రమేష్‌ రిలీజ్‌ చేసిన ఈ పాటని ఉమ మహేశ్వరరావు తమ్మిరెడ్డి రాయగా, హరిచరణ్‌ అద్భుతంగా ఆలపించారు. 'నీ మీద ప్రేమ కొలవలేనులే, అది నీకు చెప్పాలంటే, భాషే చాలదు తెలుసా..' లాంటి లైన్స్‌ అందర్నీ విశేషంగా అలరిస్తున్నాయి. ఈ చిత్రంలో మొత్తం 7 సాంగ్స్‌ ఉన్నాయి. మంచి ఫీల్‌ ఉన్న కథతో ఈ సినిమాను తెరకెక్కించాం. ప్రముఖులు నటించిన ఈ చిత్రాన్ని నిర్మాత బెక్కం వేణుగోపాల్‌ సమర్పిస్తున్నారు. మా సినిమా రిలీజ్‌ డేట్‌ను త్వరలోనే అధికారికంగా ప్రకటిస్తాం' అని తెలిపారు.
రంజిత్‌, సౌమ్య మీనన్‌, గగన్‌ విహారి, రావు రమేష్‌, సీనియర్‌ నరేష్‌, అలీ,సత్యం రజెష్‌, జబర్దస్త్‌ రాంప్రసాద్‌ తదితరులు నటిస్తున్న ఈ చిత్రానికి రైటర్‌, డైరెక్టర్‌ : రామకృష్ణ పరమహంస, మ్యూజిక్ : జీకే (ఘంటాడి కృష్ణ), డి.ఓ.పి : ఎం.ఎన్‌.బాల్‌ రెడ్డి, ఎడిటర్‌ : ప్రవీణ్‌ పూడి, లిరిక్‌ రైటర్స్‌ : రామజోగయ్య శాస్త్రి, కాసర్ల శ్యామ్‌, శ్రీమణి, ఫైట్‌ మాస్టర్‌ : శంకర్‌, కొరియోగ్రాఫర్‌ : అజరు సాయి, రైటర్‌ : పరుచూరి నరేష్‌.
