నటుడు, దర్శకుడు, నిర్మాత, రచయిత ఆర్‌.నారాయణమూర్తికి అరుదైన గౌరవం దక్కింది. వైఎస్‌ రాజశేఖర్‌ రెడ్డి లైఫ్‌ టైమ్‌ ఎచీవ్‌మెంట్‌ అవార్డ్‌ అయన్ని వరించింది.
ఈ సందర్బంగా ఆయన మాట్లాడుతూ, 'కళారంగంలో కళా తపస్వి కె. విశ్వనాథ్‌తో పాటు నాకు ఆంధ్రప్రదేశ్‌ ప్రభుత్వం ఈ అవార్డు ప్రకటించడం అదృష్టంగా భావిస్తున్నాను. ముఖ్యమంత్రి జగన్‌కి నా కృతజ్ఞతలు. గత 38 ఎనిమిదేళ్లుగా మన రెండు తెలుగు రాష్ట్రాలతోపాటు మన భారత దేశంలో ఉత్పన్నమవుతున్న సమస్యల పై స్పందించి ప్రజా సమస్యలను ఇతివృత్తాలుగా సినిమాలు తీసి, ప్రజల హృదయాలలో చిరస్థాయిగాగా ఉన్నాను. ఆర్‌.నారాయణ మూర్తి ప్రజా కళాకారుడు, ప్రజా చిత్రాలు తీస్తాడు, పీపుల్స్‌ స్టార్‌ అని ప్రజలు నన్ను అభిమానిస్తూ ఉన్నారు. నా సేవలను గుర్తించి, గౌరవించి నాకు అవార్డ్‌ ప్రకటించిన ఆంధ్రప్రదేశ్‌ ప్రభుత్వానికి, సీఎం వైఎస్‌ జగన్‌ మోహన్‌ రెడ్డికి నా కృతజ్ఞతలు' అని తెలిపారు.