విజయ్‌ శంకర్‌, 'బిగ్‌బాస్‌' ఫేమ్‌ అషురెడ్డి హీరో, హీరోయిన్లుగా నటిస్తున్న చిత్రం 'ఫోకస్‌'. సుహాసిని మణిరత్నం, భానుచందర్‌ కీలక పాత్రలలో నటిస్తున్న ఈ చిత్రానికి జి. సూర్యతేజ దర్శకుడు. వీరభద్రరావు పరిస నిర్మాత. మర్డర్‌ మిస్టరీ బ్యాక్‌డ్రాప్‌లో ఆద్యంతం ఉత్కంఠమైన కథాకథనాలతో న్యూ ఏజ్‌ సస్పెన్స్‌ థ్రిల్లర్‌గా ఈ మూవీ తెరకెక్కింది. ఈనెల 28న ఈ చిత్రం థియేటర్స్‌లో గ్రాండ్‌గా విడుదల కానుంది. ఈ నేపథ్యంలో తాజాగా ఈ చిత్ర ట్రైలర్‌ను హీరో శ్రీకాంత్‌ విడుదల చేశారు.
ఈ సందర్భంగా ఆయన మాట్లాడుతూ, 'ఈ మూవీ ట్రైలర్‌ చాలా ఇంట్రెస్టింగ్‌గా ఉంది. దర్శకుడు సూర్యతేజ మంచి సబ్జెక్ట్‌ను ఎంచుకున్నారు. హీరో విజయ్‌ శంకర్‌ చాలా బాగా నటించాడు. ఈ సినిమాతో నిర్మాతగా పరిచయమవుతున్న వీరభద్రరావుకి ఆల్‌ ది బెస్ట్‌' అని అన్నారు.
'నా కెరీర్‌లోనే బిగ్‌ బడ్జెట్‌ మూవీ ఇది. ఈ మూవీ ట్రైలర్‌ను విడుదల చేసిన శ్రీకాంత్‌ అన్నకి చాలా థ్యాంక్స్‌. ఇదొక కంప్లీట్‌ క్రైమ్‌ థ్రిల్లర్‌. ఈ జోనర్‌ని ఎంజాయ్‌ చేసే ప్రేక్షకులకు ఫుల్‌ మీల్స్‌లా ఉంటుంది. అంత చక్కగా డైరెక్టర్‌ సూర్యతేజ ఈ సినిమాని డిజైన్‌ చేశారు' అని హీరో విజయ్‌ శంకర్‌ చెప్పారు.
నిర్మాత వీరభద్రరావు పరిస మాట్లాడుతూ, 'ఈ నెల 28న థియేటర్స్‌లో సినిమా రిలీజ్‌ అవుతుంది. అందరూ చూసి మమ్మల్ని ఆశీర్వదించండి' అని తెలిపారు. 'ఇదొక కొత్త తరహా క్రైమ్‌ థిల్లర్‌. తెలుగు ఆడియన్స్‌ ఈ జోనర్‌ను ఎక్కువగా ఎంకరేజ్‌ చేస్తారు. కొత్తగా ఉంటే తప్పకుండా ఓన్‌ చేసుకుంటారు. ఊహించని మలుపులతో సరికొత్త కథ,కథనాలతో ఈ సినిమా రూపొందింది' అని చిత్ర దర్శకుడు జి. సూర్యతేజ అన్నారు. స్కైరా క్రియేషన్స్‌ సమర్పణలో రిలాక్స్‌ మూవీ మేకర్స్‌ ఈ చిత్రాన్ని నిర్మిస్తోంది.
జీవా, షియాజీ షిండే, భరత్‌ రెడ్డి, రఘు బాబు, సూర్య భగవాన్‌ తదితరులు నటిస్తున్న ఈ చిత్రానికి ఎడిటర్‌: సత్య.జీ, డీఓపీ: జే. ప్రభాకర్‌ రెడ్డి, సంగీతం: వినోద్‌ యజమాన్య, లిరిసిస్ట్‌: కాసర్ల శ్యామ్‌.
