చిరంజీవి కథానాయకుడిగా బాబీ (కెఎస్‌.రవీంద్ర) దర్శకత్వం వహిస్తున్న చిత్రానికి 'వాల్తేరు వీరయ్య' అనే పవర్‌ ఫుల్‌ టైటిల్‌ని ఖరారు చేశారు. చిరంజీవి సినిమాల నుండి అభిమానులు, ప్రేక్షకులు ఆశించే అన్ని ఎలిమెంట్స్‌తో ఫుల్‌ మీల్‌ ఫీస్ట్‌ రెడీ చేశారు దర్శకుడు బాబీ.
టైటిల్‌ టీజర్‌లో, భారీ ఓడలో కూర్చున్న విలన్‌, 'ఏంట్రా ఆడొస్తే పూనకాలు అన్నారు. అడుగేస్తే అరాచకం అన్నారు. ఎడ్రా మీ అన్నయ్యా .. సౌండే లేదు' అన్న వెంటనే ఒక భారీ బ్లాస్టింగ్‌ సౌండ్‌తో మొత్తం దద్దరిల్లిపోతుంది. ఫ్యాన్స్‌కు పూనకాలు తెప్పించేలా ఎంట్రీ ఇచ్చిన చిరు, కాల్చుతున్న బీడీతో స్టయిల్‌గా మొత్తం షిఫ్‌ని తగలబెట్టడం అందర్నీ సర్‌ప్రైజ్‌ చేసింది. చిరంజీవి, బాబీ క్రేజీ కాంబోలో వస్తున్న ఈ చిత్రం పవర్‌ బ్లాస్ట్‌ ఇంట్రోతో అందరి అంచనాలని అందుకుంది. టీజర్‌ టైటిల్‌ చూసిన ప్రేక్షకులు 'వింటేజ్‌ చిరంజీవి ఈజ్‌ బ్యాక్‌' అని చెబుతున్నారు.
చిరు గెటప్‌, వాకింగ్‌ స్టైల్‌, బాడీ లాంగ్వేజ్‌, క్యారెక్టరైజేషన్‌ ఆయన గత బ్లాక్‌ బస్టర్‌ల ఐకానిక్‌ పాత్రలను గుర్తుకు తెస్తుంది. ఆర్థర్‌ ఎ విల్సన్‌ కెమెరా పనితనం అత్యున్నతంగా ఉంది. దేవి శ్రీ ప్రసాద్‌ తన బ్రిలియంట్‌ బ్యాక్‌గ్రౌండ్‌ స్కోర్‌తో మరోసారి ఆకట్టుకున్నారు. మైత్రీ మూవీ మేకర్స్‌ ప్రొడక్షన్‌ డిజైన్‌ చాలా ఉన్నత స్థాయిలో ఉంది. అన్ని కమర్షియల్‌ హంగులతో కూడిన మాస్‌ యాక్షన్‌ ఎంటర్‌ టైనర్‌గా రూపొందుతున్న ఈ చిత్రంలో చిరంజీవి సరసన శృతి హాసన్‌ కథానాయికగా నటిస్తోంది. 'ఇప్పటికే ప్రేక్షకులు, చిరు అభిమానుల్లో ఈ సినిమాపై భారీ అంచనాలు నెలకొన్నాయి. టైటిల్‌ ఎనౌన్స్‌మెంట్‌తో ఇండ్రస్టీలోనూ ఈ సినిమా హాట్‌ టాపిక్‌గా మారింది. అందరి అంచనాలకు దీటుగా ఈ సినిమా ఉంటుందని దర్శక, నిర్మాతలు నమ్మకం వ్యక్తం చేస్తున్నారు. ఈ చిత్రం వచ్చే ఏడాది సంక్రాంతికి విడుదల కానుంది' అని చిత్రం బృందం తెలిపింది. త్రానికి బాబీ కథ, మాటలు రాయగా, కోన వెంకట్‌, కె చక్రవర్తి రెడ్డి స్క్రీన్‌ప్లే అందిస్తున్నారు. రైటింగ్‌ డిపార్ట్‌మెంట్‌లో హరి మోహన కృష్ణ, వినీత్‌ పొట్లూరి కూడా పనిచేస్తున్నారు. ఈ చిత్రానికి నిర్మాతలు: నవీన్‌ యెర్నేని, వై రవిశంకర్‌, ఎడిటర్‌: నిరంజన్‌ దేవరమానే, ప్రొడక్షన్‌ డిజైనర్‌: ఏఎస్‌ ప్రకాష్‌, సహ నిర్మాతలు: జీకే మోహన్‌, ప్రవీణ్‌ ఎం, సిఈవో: చెర్రీ, కాస్ట్యూమ్‌ డిజైనర్‌: సుస్మిత కొణిదెల, లైన్‌ ప్రొడ్యూసర్‌: బాలసుబ్రహ్మణ్యం కె.వి.వి.
