విక్రాంత్‌ హీరోగా పరిచయమవుతున్న భారీ బడ్జెట్‌ యాక్షన్‌ థ్రిల్లర్‌ 'స్పార్క్‌'. మెహ్రీన్‌ ఫిర్జాదా, రుక్సర్‌ థిల్లాన్‌ హీరోయిన్స్‌గా నటిస్తున్నారు. ప్రతి నాయకుడిగా 'మిన్నల్‌ మురళి' ఫేమ్‌ గురు సోమ సుందరం కనిపించనున్నారు. డెఫ్‌ ఫ్రాగ్‌ ప్రొడక్షన్‌ అన్‌కాంప్రైజ్డ్‌గా సినిమాను నిర్మిస్తోంది.
తాజాగా ఐస్‌ల్యాండ్‌లోని బ్యూటీఫుల్‌ లొకేషన్స్‌లో ఈ చిత్రానికి సంబంధించిన రొమాంటిక్‌ సాంగ్‌ చిత్రీకరణను పూర్తి చేశారు. అద్భుతమైన విజువల్స్‌తో చిత్రీకరించిన ఈ పాట ప్రేక్షకులకు కనుల విందు చేయనుంది. ఈ చిత్రం ద్వారా అరవింద్‌ కుమార్‌ రవి వర్మ దర్శకుడిగా పరిచయమవుతున్నారు. రవి వర్మ గతంలో సినిమాటోగ్రాఫర్‌ రత్నవేలు దగ్గర అసిస్టెంట్‌గా పనిచేశారు దీంతో ఆయన దర్శకత్వంతోపాటు సినిమాటోగ్రఫీని కూడా హ్యాండిల్‌ చేస్తున్నారు.
'హృదయం' ఫేమ్‌ హేషమ్‌ అబ్దుల్‌ వాహబ్‌ ఈ సినిమాకు ట్యూన్స్‌ అందిస్తున్నారు. ఇప్పటికే ఆడియన్స్‌లో పాజిటివ్‌ బజ్‌ క్రియేట్‌ చేస్తోందీ చిత్రం. ఈ యాక్షన్‌ థ్రిల్లర్‌లో కీ రోల్స్‌ కోసం రీసెంట్‌గా నాజర్‌, సుహాసిని మణిరత్నం జాయిన్‌ అయ్యారు. వీరితో పాటు వెన్నెల కిశోర్‌, షాయాజీ షిండే, సత్య, శ్రీకాంత్‌, కిరణ్‌ అయ్యంగార్‌, అన్నపూర్ణమ్మతో పాటు పలువురు నటీనటులు ఇతర ముఖ్య పాత్రల్లో నటిస్తున్నారు.
