విజయ్‌ కథానాయకుడిగా, వంశీ పైడిపల్లి దర్శకత్వంలో రూపొందుతున్న చిత్రం 'వారసుడు'. తమిళంలో 'వారిసు'. శ్రీ వెంకటేశ్వర క్రియేషన్స్‌ బ్యానర్‌ పై నిర్మాతలు దిల్‌ రాజు, శిరీష్‌, పీవీపీ బ్యానర్‌ పై పరమ్‌ వి పొట్లూరి, పెరల్‌ వి పొట్లూరి సంయుక్తంగా నిర్మిస్తున్నారు. ఈ చిత్రం ప్రస్తుతం చెన్నైలో షూటింగ్‌ జరుపుకుంటోంది. తాజాగా ఈ చిత్రానికి సంబంధించిన పది వర్కింగ్‌ స్టిల్స్‌ను మేకర్స్‌ ఒకేసారి విడుదల చేశారు. ఇవన్నీ సోషల్‌ మీడియాలో వైరల్‌గా మారాయి. ఈ చిత్రంలోని విజరు కొత్త లుక్స్‌కి ఫ్యాన్స్‌ ఫిదా అవుతున్నారు. విజయ్‌తో పాటు రష్మిక, ఖుష్బూ కూడా కొత్త లుక్స్‌లో కనిపించారు. అలాగే విజయ్‌, జయసుధ, దర్శకుడు వంశీ పైడిపల్లి షూటింగ్‌ లొకేషన్‌ వర్కింగ్‌ స్టిల్స్‌ కూడా ఆకట్టుకున్నాయి. 2023 సంక్రాంతికి ఈ చిత్రాన్ని విడుదల చేస్తున్నట్లు దీపావళి పండగ రోజు మేకర్స్‌ ప్రకటించారు. తెలుగు రాష్ట్రాలతో పాటు తమిళనాడులో కూడా సంక్రాంతి అతిపెద్ద పండుగ కావడంతో భారీ స్థాయిలో సినిమాని విడుదల చేయడానికి మేకర్స్‌ రంగం సిద్ధం చేస్తున్నారు.
'పూర్తిస్థాయి ఎంటర్‌టైనర్‌గా, భారీ నిర్మాణ విలువలతో లావిష్‌ విజువల్‌ గ్రాండియర్‌గా తెరకెక్కుతున్న ఈ చిత్రానికి అత్యున్నత స్థాయి సాంకేతిక నిపుణులు పనిచేస్తున్నారు. తమన్‌ ఈ చిత్రానికి సంగీతం అందిస్తుండగా, కార్తీక్‌ పళని ఛాయాగ్రాహకుడిగా, కెఎల్‌ ప్రవీణ్‌ ఎడిటర్‌గా, శ్రీ హర్షిత్‌ రెడ్డి, శ్రీ హన్షిత సహ నిర్మాతలుగా, సునీల్‌ బాబు, వైష్ణవి రెడ్డి ప్రొడక్షన్‌ డిజైనర్లుగా పని చేస్తున్నారు. మేకింగ్‌ స్టయిల్‌, వర్కింగ్‌ స్టిల్స్‌తో ఈ సినిమాపై అందరిలోనూ భారీ అంచనాలు పెరిగాయి. ఆ అంచనాలకు తగ్గట్టుగానే ఈ సినిమా ఉంటుందనే దీమాని మేకర్స్‌ వ్యక్తం చేస్తున్నారు' అని చిత్ర బృందం తెలిపింది. శరత్‌ కుమార్‌, ప్రభు, ప్రకాష్‌ రాజ్‌, శ్రీకాంత్‌, జయసుధ, శామ్‌, యోగిబాబు, సంగీత, సంయుక్త తదితరులు నటిస్తున్న ఈ చిత్రానికి దర్శకత్వం: వంశీ పైడిపల్లి, కథ, స్క్రీన్‌ ప్లే: వంశీ పైడిపల్లి, హరి, అహిషోర్‌ సాల్మన్‌, నిర్మాతలు: దిల్‌ రాజు, శిరీష్‌, పరమ్‌ వి పొట్లూరి, పెరల్‌ వి పొట్లూరి, డీవోపీ: కార్తీక్‌ పళని, ఎడిటింగ్‌: కెఎల్‌ ప్రవీణ్‌, డైలాగ్స్‌, అడిషనల్‌ స్క్రీన్‌ ప్లే: వివేక్‌, ఎగ్జిక్యూటివ్‌ ప్రొడ్యూసర్స్‌: బి. శ్రీధర్‌ రావు, ఆర్‌.ఉదయ్‌ కుమార్‌.
