హీరో సంతోష్‌ శోభన్‌, దర్శకుడు మేర్లపాక గాంధీల తాజా చిత్రం 'లైక్‌ షేర్‌ అండ్‌ సబ్‌స్క్రైబ్‌. వెంకట్‌ బోయనపల్లి నిహారిక ఎంటర్‌టైన్‌మెంట్‌తో కలిసి ఆముక్త క్రియేషన్స్‌ నిర్మిస్తున్న ఈ చిత్రంలో ఫరియా అబ్దుల్లా కథానాయికగా నటిస్తోంది. నవంబర్‌ 4న ఈ సినిమా ప్రేక్షకుల ముందుకు వస్తున్న నేపథ్యంలో ఈ చిత్ర ప్రీరిలీజ్‌ ఈవెంట్‌ గ్రాండ్‌గా జరిగింది.
ఈ సందర్భంగా హీరో నాని మాట్లాడుతూ, 'సంతోష్‌, నేను ఇంద్రగంటి స్కూల్‌ నుండే వచ్చాం. సంతోష్‌ చాలా సినిమాలు చేయడం ఆనందంగా ఉంది. ఈ సినిమాతో వరుసగా విజయాలు రావాలని కోరుకుంటున్నాను. ఫరియా అద్భుతమైన యాక్టర్‌. గాంధీతో కాసేపు మాట్లాడితే నచ్చేస్తాడు. వెంకట్‌ బోయినపల్లి ఒకసారి ప్రేమిస్తే ప్రాణం పెట్టేస్తారు. ఈ సినిమా ఘన విజయం సాధించాలి' అని చెప్పారు.
'మేర్లపాక గాంధీతో మళ్ళీ మళ్ళీ పని చేయాలని ఉంది. నేను సినిమా ఇండిస్టీ వచ్చిన తర్వాత మొదట సలహా ఇచ్చింది, ప్రశంస ఇచ్చింది నాని. ఈ సినిమాని ఆయనకి చూపించాలని అనుకుంటున్నాను. నిర్మాత వెంకట్‌ బోయనపల్లికి థ్యాంక్స్‌' అని హీరో సంతోష్‌ శోభన్‌ తెలిపారు. నిర్మాత వెంకట్‌ బోయనపల్లి మాట్లాడుతూ, 'మా సినిమాకి బెస్ట్‌ విషెస్‌ అందించడానికి వచ్చిన 'శ్యామ్‌ సింగరారు' నానికి కృతజ్ఞతలు. దర్శకుడు గాంధీ నాకు ఎప్పటినుండో తెలుసు. ఈ సినిమాకి పని చేసిన అందరికీ థ్యాంక్స్‌' అని అన్నారు.
'ఇది నాకు చాలా స్పెషల్‌ ఫిల్మ్. 'జాతి రత్నాలు' సినిమాకి చాలా ప్రేమని ఇచ్చారు. ఆ సినిమా తర్వాత లీడ్‌ రోల్‌ చేస్తున్న రెండో సినిమా ఇది. మేర్లపాక గాంధీ చాలా క్లారిటీ ఉన్న దర్శకుడు. సంతోష్‌ శోభన్‌తో కలిసి నటించడం ఆనందంగా వుంది. ఇది చాలా మంచి ఎంటర్‌టైనర్‌. అందరూ థియేటర్లో చూసి ఎంజాయ్‌ చేయండి' అని హీరోయిన్‌ ఫరియా అబ్దుల్లా తెలిపారు.
'ఈ సినిమా కథ సంతోష్‌ శోభన్‌ కోసమే పుట్టింది. సంతోష్‌ చాలా గొప్ప నటుడు అవుతాడు. 'జాతిరత్నాలు' తర్వాత మా సినిమా చేసిన ఫరియా అబ్దుల్లాకి కృతజ్ఞతలు. తనకి చాలా మంచి ఫ్యూచర్‌ ఉంటుంది. ఈ సినిమాలో బ్రహ్మాజీ నట విశ్వరూపం చూస్తారు. సుదర్శన్‌, సప్తగిరి, మిర్చి కిరణ్‌.. చాలా మంచి నటులు ఉన్నారు. ప్రవీణ్‌ లక్కరాజు, రామ్‌ మిరియాల మంచి పాటలు ఇచ్చారు. దావూద్‌కి థ్యాంక్స్‌. మా పై ప్రేమతో ఈ ఈవెంట్‌కి వచ్చిన నాని, మారుతి, నందిని రెడ్డికి కృతజ్ఞతలు. ఈ సినిమా చాలా ఫన్ అండ్‌ ఎంటర్‌ టైనింగ్‌గా ఉంటుంది. నవంబర్‌ 4న అందరూ థియేటర్లో చూడండి.
- దర్శకుడు మేర్లపాక గాంధీ
