నరసింహ నంది దర్శకత్వంలో తాజాగా తెరకెక్కుతున్న సినిమా 'అమ్మాయిలు అర్థంకారు'. అల్లం శ్రీకాంత్‌, ప్రశాంత్‌, కమల్‌, మీరావలి హీరోలుగా, సాయిదివ్య. ప్రియాంక, స్వాతి, శ్రావణి హీరోయిన్లుగా నటించారు. శ్రీ లక్ష్మీ నరసింహ సినిమా పతాకంపై నందిరెడ్డి విజయలక్ష్మిరెడ్డి, కర్ర వెంకట సుబ్బయ్య నిర్మిస్తున్నారు. షూటింగ్‌ పూర్తయింది. ప్రస్తుతం రీ-రికార్డింగ్‌ జరుగుతోంది. ఈ సందర్భంగా ఈ సినిమా ఫస్ట్‌ లుక్‌ను తెలుగు ఫిలిం ప్రొడ్యూసర్స్‌ కౌన్సిల్‌ ప్రధాన కార్యదర్శి టి. ప్రసన్నకుమార్‌ విడుదల చేశారు.
దర్శకుడు నరసింహ నంది మాట్లాడుతూ, 'నాలుగు జంటల ప్రేమకథలో ఏర్పడే మలుపులు, భావోద్యేగాలతో నవరసభరితంగా ఈ సినిమా ఉంటుంది. నిజ జీవితానికి దగ్గరగా మధ్య తరగతి జీవితాలలో డబ్బు ఎలాంటి పాత్ర పోషిస్తుంది?, దానివల్ల జీవితాలు ఎలా తారుమారు అవుతాయనే అంశాన్ని ఇందులో చర్చించాం' అని చెప్పారు. 'చిత్తూరు, తిరుపతి ప్రాంతాల యాస నేపథ్యంలో ఈ సినిమా ఉంటుంది. త్వరలోనే ట్రైలర్‌ను, ఆ తర్వాత చిత్రాన్ని విడుదల చేస్తాం' అని నిర్మాతలలో ఒకరైన కర్ర వెంకట సుబ్బయ్య అన్నారు. కొలకలూరి రవిబాబు, మురళి (ప్రజాశక్తి), గగన్‌, వీరభద్రం, శంకర్‌ మహంతి, మల్లేష్‌, మండల విజయభాస్కర్‌, జబర్దస్త్‌ ఫణి ఇందులో ముఖ్య తారాగణం.
