డాన్స్‌ మాస్టర్‌ బృందా గోపాల్‌ దర్శకత్వంలో హిందీ సహా పలు భాషల్లో తెరకెక్కుతున్న రా యాక్షన్‌ చిత్రం 'థగ్స్‌'. హెచ్‌ ఆర్‌ పిక్చర్స్‌ బ్యానర్‌ పై రియా షిబు నిర్మాతగా నిర్మిస్తున్నారు. బాబీ సింహ, ఆర్‌ కె సురేష్‌, మునిష్కంత్‌, శరత్‌ అప్పనీ, అనస్వర రాజన్‌ ముఖ్య పాత్రల్లో కనిపిస్తారు. హ్రిదు హరూన్‌ లీడ్‌ రోల్‌లో వెండి తెరకు పరిచయం అవుతున్నారు.
ఈ చిత్రం మ్యూజిక్, ప్రోమో కంటెంట్‌ను తమిళ, తెలుగు, హిందీ, కన్నడ భాషల్లో మార్కెటింగ్‌ చేయడానికి సోనీ మ్యూజిక్‌తో ఒప్పందం కుదుర్చుకున్నారు. ఇటీవల విడుదలైన థగ్స్‌ క్యారెక్టర్స్‌ ఇంట్రడక్షన్‌ వీడియో మంచి బజ్‌ క్రియేట్‌ చేసి, అందరి ప్రశంసలు అందుకుంది. అలాగే సినిమాపై అంచనాలు రెట్టింపు చేసింది. ఈ చిత్రం తెలుగు, తమిళ, కన్నడ, హిందీ భాషలలో డిసెంబర్‌లో భారీ స్థాయిలో విడుదలకు సిద్ధం అవుతోంది. ఈ చిత్రానికి సంగీతం - శామ్‌ సి ఎస్‌, డీ వో పి - ప్రీయేష్‌ గురుస్వామి, ప్రాజెక్ట్‌ డిజైనర్‌ - జోసెఫ్‌ నెళ్లికల్‌, ఎడిటర్‌ - ప్రవీణ్‌ ఆంటోనీ, యాక్షన్‌ - ఫీనిక్స్‌ ప్రభు, రాజశేఖర్‌, క్రియేటివ్‌ ప్రొడ్యూసర్‌ - ముత్తు కురుప్పయ్య, ఎగ్జిక్యూటివ్‌ ప్రొడ్యూసర్‌ - యువరాజ్‌.
