అడివి శేష్‌, శైలేష్‌ కొలను కాంబినేషన్‌లో రూపొందుతున్న క్రైమ్‌ ఇన్వెస్టిగేషన్‌ థ్రిల్లర్‌ 'హిట్‌ 2'. 'ది సెకండ్‌ కేస్‌' అనేది ట్యాగ్‌ లైన్‌. 'హిట్‌ 2' చిత్రీకరణ పూర్తయ్యింది. ప్రస్తుతం పోస్ట్‌ ప్రొడక్షన్‌ కార్యక్రమాలు జరుగుతున్నాయి. మీనాక్షి చౌదరి కథానాయిక. వాల్‌ పోస్టర్‌ సినిమా బ్యానర్‌పై నాని, ప్రశాంతి త్రిపిరినేని నిర్మిస్తున్నారు. తాజాగా 'హిట్‌ వెర్సె' అనే వీడియోతో దర్శకుడు శైలేష్‌ కొలను హిట్‌ ప్రపంచాన్ని పరిచయం చేశారు. కె.డి పాత్రలో అడివి శేష్‌ చాలా కూల్‌ కాప్‌గా ఎలా ఉంటాడో ఎలివేట్‌ చేశారు. థ్రిల్‌, యాక్షన్‌, ఫన్‌ వంటివి కూడా ఈ సినిమాలో ఎక్కువగా ఉంటాయని ఈ వీడియో చెప్పకనే చెబుతోంది. ఇందులో 'హిట్‌ 1', 'హిట్‌ 2' మధ్య రిలేషన్‌ ఉందని కూడా రివీల్‌ చేశారు. మూవీ టీజర్‌ డేట్‌ను ఈనెల 3న రిలీజ్‌ చేయబోతున్నట్లు ఎనౌన్స్‌ చేశారు. టీజర్‌ను చూస్తుంటే మూవీ నెక్ట్స్‌ లెవల్‌లో ఉండబోతుందని తెలుస్తోంది. ప్రపంచ వ్యాప్తంగా ఈ చిత్రం డిసెంబర్‌ 2న గ్రాండ్‌ లెవల్లో విడుదలకానుంది.
రావు రమేష్‌, పోసాని కృష్ణమురళి, తనికెళ్ళ భరణి, శ్రీనాథ్‌ మాగంటి, కోమలి ప్రసాద్‌ తదితరులు నటిస్తున్న ఈ చిత్రానికి సినిమాటోగ్రఫీ - మణి కందన్‌.ఎస్‌, మ్యూజిక్‌ - జాన్‌ స్టీవార్ట్‌ ఎడూరి, ఆర్ట్‌ - మనీషా ఎ.దత్‌, ఎడిటింగ్‌ - గ్యారీ బి.హెచ్‌, ఎగ్జిక్యూటివ్‌ ప్రొడ్యూసర్‌ - ఎస్‌.వెంకట రత్నం.