సింగిల్‌ క్యారెక్టర్‌తో ఓ డిఫరెంట్‌ మూవీని రూపొందించి తెలుగు ప్రేక్షకులను ఎంటర్‌టైన్‌ చేయాలనే సంకల్పంతో 'హలో మీరా' సినిమాని రూపొందిస్తున్నారు దర్శకుడు కాకర్ల శ్రీనివాసు. తాజాగా ఈ మూవీ ట్రైలర్‌ను అగ్ర దర్శకుడు వి.వి.వినాయక్‌ రిలీజ్‌ చేశారు.
ఈ సందర్భంగా ఆయన మాట్లాడుతూ, 'ఇందులోని ప్రతి ఫ్రేమ్‌ చాలా బాగా వచ్చింది. కేవలం సింగిల్‌ క్యారెక్టర్‌ తీసుకుని, ఇంత థ్రిల్‌ చేసే సినిమా తీయడమనేది ఓ సవాల్‌తో కూడిన పని. అందులో డైరెక్టర్‌ సక్సెస్‌ అయ్యారని ఈ ట్రైలర్‌ చూస్తుంటేనే తెలుస్తోంది. ఈ సినిమా బిగ్‌ సక్సెస్‌ కావాలని ఆశిస్తున్నాను' అని అన్నారు.
'సినిమాలోని మీరా అనే సింగిల్‌ క్యారెక్టర్‌ని చూపిస్తూ జీవితంలో చేసిన ఓ చిన్న తప్పు ఆమెకు ఎలాంటి ఇబ్బందులు తెచ్చిపెట్టింది?, కుటుంబం, పెళ్లి, స్నేహితులు, పోలీసులు ఇలా డిఫరెంట్‌ యాంగిల్స్‌లో మీరాకు వచ్చిన చిక్కులేంటి? అనేది ఈ సినిమాలో చూపించనున్నారని ట్రైలర్‌ స్పష్టం చేస్తోంది. ఎలాంటి భారీ తారాగణాన్ని ఎంచుకోకుండా ప్రయోగాత్మక కథతో ఈ మూవీ ప్లాన్‌ చేశారని ఈ ట్రైలర్‌ చెప్పకనే చెప్పింది. వైవిధ్యభరితమైన కథతో ఊహించని ట్విస్టులతో ప్రేక్షకులను థ్రిల్‌ చేసే సినిమా ఇది. ప్రశాంత్‌ కొప్పినీడి అందించిన విజువల్స్‌ సినిమాకి ప్రధాన ఆకర్షణగా నిలుస్తుంది. త్వరలోనే ఈ సినిమాను గ్రాండ్‌గా రిలీజ్‌ చేయాలని ప్లాన్‌ చేస్తున్నారు మేకర్స్‌' అని చిత్ర బృందం తెలిపింది. లూమియర్‌ సినిమా బ్యానర్‌పై జీవన్‌ కాకర్ల సమర్పణలో రూపొందుతున్న ఈ చిత్రంలో మీరాగా గార్గేయి యల్లాప్రగడ నటించారు.ఈ చిత్రానికి కథ, స్క్రీన్‌ ప్లే, దర్శకుడు: శ్రీనివాసు కాకర్ల, ప్రొడ్యూసర్స్‌: డా: లక్ష్మణరావు దిక్కల, వరప్రసాదరావు దుంపల, పద్మ కాకర్ల, మ్యూజిక్: ఎస్‌.చిన్న, పొడక్షన్‌ డిజైనర్‌: తిరుమల ఎం తిరుపతి, పాటలు: శ్రీ సాయి కిరణ్‌, మాటలు హిరణ్మయి కళ్యాణ్‌, ఎడిటర్‌: రాంబాబు మేడికొండ.
