ప్రణవ చంద్ర, మాళవిక సతీషన్‌, మాస్టర్‌ చక్రి, అజరుఘోష్‌, బిత్తిరి సత్తి ముఖ్యపాత్రల్లో, కోట శ్రీనివాసరావు, తనికెళ్ళ భరణి, బెనర్జీ అతిధి పాత్రలలో నటించిన చిత్రం 'దోచేవారెవురా'. ఐక్యూ క్రియేషన్స్‌ పతాకంపై బొడ్డు కోటేశ్వరరావు నిర్మించిన ఈ చిత్రంలోని 'సుక్కు, సుక్కు ....' అంటూ సాగే సాంగ్‌ను దర్శకుడు సుకుమార్‌ విడుదల చేశారు. ఈ పాటకు సిరాశ్రీ సాహిత్యం అందించారు.
ఈ సందర్భంగా దర్శకుడు సుకుమార్‌ మాట్లాడుతూ,'ఒకసారి దర్శకుడు అయిన తర్వాత ఎప్పుడూ ఏదో ఒకటి చేస్తూండాలి అనుకుంటారు. అందుకే శివనగేశ్వరరావు 'వన్స్‌మోర్‌' అని ఒక యూట్యూబ్‌ చానల్‌ పెట్టారు. అందులో ఆయన అనుభవాలను ఒక్క అబద్దం కూడా లేకుండా చాలా సిన్సియర్‌గా మాట్లాడతారు. నేను విడుదల చేసిన రెండోపాటలో సుక్కు.. సుక్కు అనే సౌండ్‌ నాకు బాగా నచ్చింది. నా పేరుతో వచ్చిన ఈ పాటలో 58ఏళ్ల అజరుఘోష్‌తో డాన్స్‌ చేయించాలి అనే ఆలోచన వచ్చిన శివ నాగేశ్వరావుకి హ్యాట్సాఫ్‌. 58 ఏళ్ళ శంకర్‌ మాస్టర్‌ అద్భుతంగా ఈపాటకి కొరియగ్రఫీ చేశారు. ఈ సినిమా పెద్ద విజయం సాధించాలి' అని తెలిపారు.
శివనాగేశ్వరరావు మాట్లాడుతూ,'నేను శివనాగేశ్వరరావుని ..నా పాట ఒకటి లాంచ్‌ చెయ్యగలరా అని దర్శకుడు సుకుమార్‌కి మెసేజ్‌ పెడితే, పదినిమిషాల్లో రిప్ల్కె వచ్చింది. నేను రేపు హైదరాబాద్ వస్తాను, తర్వాత ఎప్పుడైనా ఓకే అని అన్నారు. అజరుఘోష్‌ 'రంగస్థలం', 'పుష్ప' సినిమాల ద్వారానే పూర్తిస్థాయి నటునిగా గుర్తింపు తెచ్చుకున్నారు. ఆయన ముఖ్యపాత్రలో నటించిన ఈ సినిమాతో మరో మెట్టెక్కుతాడని అనుకుంటున్నా' అని చెప్పారు.
