సుడిగాలి సుధీర్‌ హీరోగా నటిస్తున్న పక్కా మాస్‌, యాక్షన్‌ ఎంటర్‌టైనర్‌ 'గాలోడు'. గెహ్నా సిప్పి హీరోయిన్‌. రాజశేఖర్‌ రెడ్డి పులిచర్ల దర్శకుడు. ప్రకృతి సమర్పణలో సంస్కృతి ఫిలింస్‌ ఈ చిత్రాన్ని నిర్మిస్తోంది. ప్రపంచవ్యాప్తంగా ఈ సినిమా ఈనెల 18న గ్రాండ్‌ గా రిలీజ్‌ కానుంది. తాజాగా విడుదలైన ఈ చిత్ర థియేట్రికల్‌ ట్రైలర్‌కు ట్రెమండస్‌ రెస్పాన్స్‌ లభించింది. ఈ సందర్భంగా ఏర్పాటు చేసిన విలేకరుల సమావేశంలో హీరో సుధీర్‌ మాట్లాడుతూ, 'మా చిత్ర ట్రైలర్‌కి మంచి రెస్పాన్స్‌ వస్తోంది. కోవిడ్‌ టైంలో చాలా ఒడిదుడుకులు ఎదుర్కొని సినిమా పూర్తి చేసి, రిలీజ్‌కి రెడీగా ఉన్నాం. 'సాఫ్ట్‌వేర్‌ సుధీర్‌' తర్వాత మరోసారి అవకాశం ఇచ్చిన దర్శకుడు రాజశేఖర్‌ పులిచర్లకి థ్యాంక్స్‌. గెహ్నా సిప్పి చాలా బాగా యాక్ట్‌ చేసింది. మీరు ట్రైలర్‌లో చూసి ఎంజారు చేసిన విజువల్స్‌ ఇచ్చిన సి.రాంప్రసాద్‌కి, అలాగే మంచి మ్యూజిక్ ఇచ్చిన భీమ్స్‌కి స్పెషల్‌ థ్యాంక్స్‌' అని అన్నారు.
'దర్శకుడిగా ఇది నా సెకండ్‌ మూవీ. ఈ చిత్రానికి దర్శకత్వం వహించడంతో పాటు మా స్నేహితుల సహకారంతో ప్రొడక్షన్‌ కూడా చూసుకున్నాను. ఇప్పటి వరకూ మూడు పాటలు రిలీజ్‌ అయ్యాయి. అన్ని పాటలకి మిలియన్స్‌ కొద్ది వ్యూస్‌ వచ్చాయి. అలాగే ఇటీవల విడుదలైన ట్రైలర్‌ 24 గంటల్లోనే 2 మిలియన్‌ వ్యూస్‌ సాధించింది. దాంతో నాకు సినిమాపై కాన్ఫిడెంట్‌ మరింత పెరిగింది. ఫస్ట్‌ మూవీలో సుధీర్‌తో చాలా కంఫర్ట్‌ అనిపించి, ఈ ప్రాజెక్ట్‌ చేశాం. మంచి కమర్షియల్‌ సబ్జెక్ట్‌. తప్పకుండా హిట్‌ కొడుతున్నాం అనే నమ్మకం ఉంది' అని దర్శకుడు రాజశేఖర్‌ పులిచర్ల చెప్పారు. హీరోయిన్‌ గెహ్నా సిప్పి మాట్లాడుతూ, 'ఇంత మంచి అవకాశం ఇచ్చిన సంస్కృతి ఫిలింస్‌ వారికి, అలాగే నన్ను నమ్మి నాకు ఈ క్యారెక్టర్‌ ఇచ్చిన దర్శకుడు రాజశేఖర్‌కి చాలా థ్యాంక్స్‌. కాలేజ్‌ యూత్‌కి, ఫ్యామిలీ ఆడియన్స్‌కి బాగా కనెక్ట్‌ అయ్యే సినిమా ఇది' అని అన్నారు.
