పెగ్గో ఎంటర్‌టైన్‌మెంట్స్‌ బ్యానర్‌పై కార్తీక్‌ రాజు ప్రధాన పాత్రలో తెరకెక్కుతున్న చిత్రం 'అధర్వ'. మహేష్‌ రెడ్డి దర్శకుడు. సుభాష్‌ నూతలపాటి నిర్మాత. నూతలపాటి నరసింహం, అనసూయమ్మ సమర్పణలో రాబోతున్న ఈ చిత్రానికి విజయ, ఝాన్సీ ఎగ్జిక్యూటివ్‌ ప్రొడ్యూసర్స్‌గా వ్యవహరిస్తున్నారు. తెలుగు, తమిళ, కన్నడ, మలయాళ భాషల్లో ఏకకాలంలో ఎంతో గ్రాండ్‌గా రూపొందుతూ, 'ది సీకర్‌ ఆఫ్‌ ది ట్రూత్‌' అనే ట్యాగ్‌లైన్‌తో రాబోతున్న ఈ సినిమాకు సంబంధించి ప్రస్తుతం పోస్ట్‌ ప్రొడక్షన్‌ పనులు శరవేగంగా సాగుతున్నాయి.
ఇప్పటికే ఈ సినిమా నుంచి విడుదల చేసిన టైటిల్‌ లోగో, మోషన్‌ పోస్టర్‌ సూపర్‌ రెస్పాన్స్‌ తెచ్చుకోవడమే గాక సినిమాపై అంచనాలు పెంచాయి. ఈ చిత్రంలో థ్రిల్లింగ్‌ ఎలిమెంట్స్‌ పుష్కలంగా ఉంటాయని ఇప్పటివరకు వచ్చిన అప్‌డేట్స్‌ కన్ఫమ్‌ చేయడంతో అందరి దష్టి ఈ సినిమాపై పడింది. ఈ చిత్రంలో హీరో కార్తీక్‌ రాజు పవర్‌ఫుల్‌ రోల్‌ పోషిస్తుండగా, సిమ్రాన్‌ చౌదరి, ఐరా కీలక పాత్రల్లో కనిపించనున్నారు. క్రైమ్‌ థ్రిల్లర్‌ నేపథ్యంలో డిఫరెంట్‌ పాయింట్‌ని టచ్‌ చేస్తూ రాబోతున్న ఈ సినిమాకి 'డీజే టిల్లు', 'మేజర్‌' లాంటి సినిమాలకు మ్యూజిక్ అందించిన శ్రీచరణ్‌ పాకాల బాణీలు కట్టడం విశేషం. ఈ చిత్రానికి సంగీతం మేజర్‌ అసెట్‌ కానుందని, చరణ్‌ మాధవనేని సినిమాటోగ్రఫీ ప్రేక్షకులకు వినూత్న అనుభూతి కలిగిస్తుందని అంటున్నారు మేకర్స్‌. త్వరలోనే ఈ చిత్రాన్ని గ్రాండ్‌గా విడుదల చేయాలని దర్శక, నిర్మాతలు సన్నాహాలు చేస్తున్నారు.
