నవీన్‌ పోలిశెట్టి, అనుష్క శెట్టి హీరో, హీరోయిన్లుగా యూవీ క్రియేషన్స్‌ సంస్థ ఓ చిత్రాన్ని నిర్మిస్తోంది. ఈ చిత్రానికి పి. మహేష్‌బాబు దర్శకత్వం వహిస్తున్నారు. ఈ సినిమాలో అనుష్క చెఫ్‌ పాత్రలో నటిస్తున్నారు. ప్రస్తుతం రెగ్యులర్‌ చిత్రీకరణలో ఉందీ సినిమా.
సోమవారం అనుష్క శెట్టి పుట్టినరోజు సందర్భంగా ఆమె ఈ చిత్రంలో పోషిస్తున్న అన్విత రవళి శెట్టి క్యారెక్టర్‌ లుక్‌ పోస్టర్‌ను చిత్రబందం విడుదల చేసింది. ఆమె కిచెన్‌లో డెలిషియస్‌ ఫుడ్‌ ప్రిపేర్‌ చేస్తున్నట్లు ఉందీ లుక్‌. ఈ స్పెషల్‌ పోస్టర్‌లో అనుష్కకు బర్త్‌ డే విషెస్‌ని కూడా మేకర్స్‌ తెలిపారు.
'వచ్చే ఏడాది విడుదల కానున్న ఈ మూవీపై అందరిలోనూ మంచి అంచనాలున్నాయి. ఇక చాలా రోజుల తర్వాత తమ అభిమాన నటి నటిస్తున్న సినిమాలోని లుక్‌ రావడంతో అభిమానులు ఫుల్‌ ఖుషీ అయ్యారు. అంతేకాకుండా సోషల్‌ మీడియా వేదికగా ఆమెకు బర్త్‌డే శుభాకాంక్షలతోపాటు సినిమా హిట్‌ కావాలంటూ పోస్టుల వర్షం కురిపించారు. దీంతో ఈ సినిమాపై అందరిలోనూ మంచి క్యూరియాసిటీని రైజ్‌ చేసింది' అని చిత్ర బృందం తెలిపింది.
