ఆది సాయి కుమార్‌ నటిస్తున్న తాజా చిత్రం 'టాప్‌ గేర్‌'. ఆదిత్య మూవీస్‌ అండ్‌ ఎంటర్‌ టైన్‌మెంట్స్‌ సమర్పణలో శ్రీ ధనలక్ష్మి ప్రొడక్షన్స్‌ బ్యానర్‌పై రూపొందుతున్న ఈ చిత్రానికి శశికాంత్‌ దర్శకత్వం వహిస్తున్నారు.
అన్ని వర్గాల ఆడియన్స్‌కి కనెక్ట్‌ అయ్యే ఓ డిఫరెంట్‌ పాయింట్‌ని టచ్‌ చేస్తూ రూపొందిస్తున్న ఈ సినిమాలో ఆది సాయికుమార్‌ టాక్సీ డ్రైవర్‌గా నటిస్తున్నారు. ఆయన పోషించిన ఈ పాత్ర సినిమాలో కీలకం కానుందని, ప్రేక్షకులకు ఓ డిఫరెంట్‌ అనుభూతినిస్తుందని మేకర్స్‌ అంటున్నారు.
ఇప్పటికే ఈ సినిమా నుంచి విడుదలైన టైటిల్‌ లుక్‌, ఫస్ట్‌ లుక్‌, 3డి మోషన్‌ పోస్టర్‌, దీపావళి సందర్భంగా విడుదల చేసిన రొమాంటిక్‌ పోస్టర్‌కు మంచి రెస్పాన్స్‌ వచ్చింది. ఆది సాయికుమార్‌కు జంటగా రియా సుమన్‌ హీరోయిన్‌గా నటిస్తున్నారు. పక్కా కమర్షియల్‌ ఎంటర్‌టైనర్‌గా ఉండే ఈ చిత్రాన్ని డిసెంబర్‌ 30న విడుదల చేయబోతున్నట్టు మేకర్స్‌ ప్రకటించారు. అంతేకాకుండా ఈ మూవీ షూటింగ్‌ పూర్తయిందని, పోస్ట్‌ ప్రొడక్షన్‌ కార్యక్రమాలు శరవేగంగా జరుగుతున్నాయని తెలిపారు. త్వరలోనే ఈ మూవీ నుంచి ఫస్ట్‌ సింగిల్‌ను కూడా రిలీజ్‌ చేసేందుకు సన్నాహాలు చేస్తున్నారు.
ఆది సాయి కుమార్‌, రియా సుమన్‌, బ్రహ్మాజీ, సత్యం రాజేష్‌, మైమ్‌ గోపి, నర్రా, శత్రు, బెనర్జీ, చమ్మక్‌ చంద్ర, రేడియో మిర్చి హేమంత్‌ తదితరులు నటిస్తున్న ఈ చిత్రానికి కథ, స్క్రీన్‌ ప్లే, దర్శకత్వం: శశికాంత్‌, సినిమాటోగ్రాఫర్‌: సాయి శ్రీరామ్‌, మ్యూజిక్: హర్ష వర్ధన్‌ రామేశ్వర్‌, ఎడిటర్‌: ప్రవీణ్‌ పూడి, ఆర్ట్‌: రామాంజనేయులు, ఎగ్జిక్యూటివ్‌ ప్రొడ్యూసర్‌: గిరిధర్‌ మామిడిపల్లి, ప్రొడ్యూసర్‌: కె.వి.శ్రీధర్‌ రెడ్డి.
