నందమూరి బాలకృష్ణ, గోప్‌చంద్‌ మలినేని కాంబినేషన్‌లో రూపొందుతున్న మాస్‌ యాక్షన్‌ ఎంటర్‌టైనర్‌ 'వీరసింహారెడ్డి'. తాజాగా ఈ సినిమాకి సంబంధించి అనంతపురం షూటింగ్‌ షెడ్యూల్‌ ప్రారంభమైంది. అనంతపురంలోని పెన్నా అహోబిలం లక్ష్మీ నరసింహస్వామి దేవాలయం, ఉరవకొండ, పెనుగొండ ఫోర్ట్‌ తదితర ప్రదేశాల్లో చిత్రంలోని కీలక సన్నివేశాలని చిత్రీకరించనున్నారు. మైత్రీ మూవీ మేకర్స్‌ పతాకంపై రూపొందుతున్న ఈ చిత్రంలో శృతి హాసన్‌ కథానాయికగా నటిస్తోంది. దునియా విజరు, వరలక్ష్మి శరత్‌కుమార్‌ ఇతరకీలక పాత్రలు పోషిస్తున్నారు.ఇప్పటికే విడుదలైన టీజర్‌, టైటిల్‌ టీజర్‌కు ట్రెమండస్‌ రెస్పాన్స్‌ వచ్చింది. ఎప్పుడెప్పుడా అని ప్రేక్షకులు, బాలయ్య అభిమానులు భారీ అంచనాలతో ఎదురుచూస్తున్న ఈ చిత్రం 2023 సంక్రాంతికి ప్రపంచవ్యాప్తంగా గ్రాండ్‌గా విడుదల కానుంది.
ఈ చిత్రానికి నిర్మాతలు: నవీన్‌ యెర్నేని, వై రవిశంకర్‌, సంగీతం: తమన్‌, డివోపీ: రిషి పంజాబీ, ఎడిటర్‌: నవీన్‌ నూలి, ప్రొడక్షన్‌ డిజైనర్‌: ఏఎస్‌ ప్రకాష్‌, డైలాగ్స్‌: సాయి మాధవ్‌ బుర్రా, ఫైట్స్‌: రామ్‌-లక్ష్మణ్‌, వెంకట్‌.
