ప్రశాంత్‌ కార్తీ, రిత్తిక చక్రవర్తి హీరో, హీరోయిన్లుగా రూపొందుతున్న చిత్రం 'అనంత'. మధు బాబు దర్శకుడు. ఎ.ప్రశాంత్‌ నిర్మాత.
ఈ చిత్రంలో అనీష్‌ కురువిళ్ళ, లయ సింప్సన్‌, శ్రీనివాస్‌ గడ్డం, రమేష్‌.కే, అనిల్‌ కుమార్‌, కీర్తి ఇతర ముఖ్యపాత్రలు పోషిస్తున్నారు.
డిఫరెంట్‌ కాన్సెప్ట్‌తో సైంటిఫిక్‌ థ్రిల్లర్‌గా ఈ సినిమా ప్రేక్షకుల ముందుకు రానుంది. తాజాగా దర్శకులు చంద్ర సిద్దార్థ ఈ చిత్ర టీజర్‌ను రిలీజ్‌ చేశారు. ఈ సందర్బంగా ఆయన మాట్లాడుతూ, 'సినిమా చాలా బాగా వచ్చిందని అర్థమవుతోంది. ఇది రెగ్యులర్‌ సినిమా కాదని, డిఫరెంట్‌ పాయింట్స్‌ టచ్‌ చేస్తూ ఈ చిత్రాన్ని రూపొందించారు. ఇది థ్రిల్లర్‌, మైథలాజికల్‌, సైకలాజికల్‌ థ్రిల్లర్‌. ఇలాంటి సినిమాలను ఆదరించి ఎంకరేజ్‌ చేయాలి' అని తెలిపారు.
'ఈ టీజర్‌లో సినిమా సోల్‌ ఏంటనేది స్పష్టమయ్యేలా ఆసక్తికర సన్నివేశాలు చూపించారు. ఇన్వెస్టిగేషన్‌తో పాటు థ్రిల్లింగ్‌ ఎలిమెంట్స్‌ ఈ సినిమాలో ఉంటాయని ఈ టీజర్‌ ద్వారా ప్రేక్షకులకు తెలిపారు. ఈ వీడియోలో ఘంటసాల విశ్వనాథ్‌ బ్యాక్‌ గ్రౌండ్‌ మ్యూజిక్, సిద్దు సోమిశెట్టి సినిమాటోగ్రఫీ హైలైట్‌ అవుతున్నాయి' అని చిత్ర బృందం తెలిపింది.
'ఈ సినిమాతో ఓ ప్రయోగం చేశాం. ఈ సినిమా ఎంటర్‌టైన్‌మెంట్‌ ఇవ్వడంతో పాటు నాలెడ్జ్‌ పంచుతుంది. ఇది గ్లోబల్‌ సబ్జెక్టుతో రాబోతోంది. ఈ సినిమా సూపర్‌ సక్సెస్‌ సాధిస్తుందనే నమ్మకం ఉంది' అని దర్శకుడు మధు బాబు చెప్పారు.
హీరో ప్రశాంత్‌ మాట్లాడుతూ,' దర్శకుడు మధు బాబు చెప్పిన కథ అద్భుతంగా ఉంది. చిత్రంలో ప్రతి ఒక్క ఆర్టిస్ట్‌ కూడా బాగా చేశారు. ఈ సినిమా హిట్‌ కావాలని మనస్ఫూర్తిగా కోరుకుంటున్నా' అని అన్నారు.
